दशलाई सम्मान, पाँचलाई कदर

शिक्षण सम्वन्धी कार्यशाला समापन कार्यक्रमको अवसरमा बौद्धिक समूह नेपालले शिक्षा, समाज सेवा र पत्रकारिताका क्षेत्रबाट समाज परिवर्तनमा योगदान पुर्‍याउने दर्जनौं व्यक्ति तथा संस्थालाई सम्मान गरेको छ ।

समुहले सेवा निवृत्त भए पश्चात पनि शिक्षण पेशामा आवद्ध भएर आफ्नो गाउँ–ठाउँको शैक्षिक क्षेत्रको विकासमा योगदान पुर्‍याउने शिक्षक चिजबहादुर राई, कुलबहादुर अधिकारी, डिल्लीधन राई, शुक्रबहादुर राई, लम्बरबहादुर राई, समाजसेवी जनकराज राई, उपेन्द्र घिमिरे, च्यास्मिटार मावि, वडा कार्यालय र च्यास्मिटार उमावि भूतपुर्व विद्यार्थी तथा सरकोकार मञ्चलाई सम्मान प्रदान गरेको हो । व्यक्ति तथा संस्थालाई हलेसी तुवाचुङ नगरपालिकाका शिक्षा शाखाका संयोजक पदम कार्कीले प्रमुख अतिथिका रुपमा सम्मानपत्र प्रदान गरेका थिए ।

सितिमि मासिकका सम्पादक तिलक चाम्लिङ, पत्रकार दमन राई, खगेन्द्र राई (अमेरिका), प्रिया तिलुङ (अष्ट्रेलिया) र शुशिला राईलाई कदरपत्र प्रदान गरिएको छ ।