जनकपुरधाम । नेकपा माओवादी विप्लव समूहले पेट्रोलियम पदार्थको मूल्यवृद्धि फिर्ताको मागसहित आह्वान गरेको नेपाल बन्दको प्रभाव प्रदेश २ मा आंशिक मात्रै परेको छ । बन्दको कारण लामो दुरीको सवारीसधान साधन सन्चालनमा केही कमी भए पनि छोटा दुरीका सवारी साधन पूर्ण रुपमा चलेका छन् ।
प्रदेश २ प्रहरी कार्यालयका अनुसार बन्दका कारण धनुषामा १०, महोत्तरीमा ४०, सर्लाहीमा २५, रौतहटमा २५, बारामा ५०, पर्सामा ५० र सप्तरीमा २५ प्रतिशत यातायातका सवारी सधान प्रभावित भएको प्रदेश प्रहरी कार्यालयले जनाएको छ । यसैगरि, प्रदेशका सबै जिल्लामा शैक्षिक संस्थानहरू पूर्ण रुपमा खुलेका छन् । यस्तै बारा र पर्साका १० प्रतिशत उद्योग कलकारखाना खुलेका छैनन् ।
बन्दलाई मध्यनजर गर्दै जनकपुरसहितका जिल्लाहरूमा नेपाल प्रहरी तथा सशस्त्र प्रहरी परिचालन गरिएको प्रहरीले जनाएको छ । यसैबीच, जनकपुरको मुजेलियामा सवारीसधानको सन्चालनमा रोक लगाउन पुगेका विप्लवका दुई जना कार्याकर्तालाई प्रहरीले नियन्त्रणमा लिएको धनुषाका प्रहरी उपरीक्षक वसन्त रजौरेले बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.