खोटाङ । खोटाङको दिक्तेल रुपाकोट मझुवागढी नगरपालिका-१४ बुईपाका स्वर्गीय शिक्षक शुभसेर राईको नाममा स्मृति प्रतिष्ठान बनाउने घोषणा गरिएको छ । गत ५ भदाैमा निधन भएका शिक्षक राईको स्मृतिमा स्वर्गीय शुभसेर राई स्मृति प्रतिष्ठान बनाउने तयारी गरिएको हो । राईको ९०औँ दिनको पूण्य तिथिमा नेपाल राष्ट्रिय शिक्षक संगठन जिल्ला समितिले बिहीबार जिल्ला समन्वय समितिको सभाहलमा आयोजना गरेको श्रद्धाञ्जलिसभामा शुभसेर राईको नाममा स्मृति प्रतिष्ठान बनाउने घोषणा गरिएको हो ।
स्मृति प्रतिष्ठान बनाउने र सोही प्रतिष्ठानमार्फत अक्षयकोष खडा गर्दै वार्षिक रुपमा जिल्लाका एक जना उत्कृष्ट शिक्षकलाई प्रदान गर्नेगरी पुरस्कार स्थापनाको तयारी गरिएको नेपाल राष्ट्रिय शिक्षक संगठन खोटाङका सचिव मिनकुमार दाहालले बताए । राईका जेठा छोरा एवं एमालेका जिल्ला उपाध्यक्ष देवबिक्रम राईले प्रतिष्ठानमार्फत सञ्चालन हुने अक्षयकोष स्थापनाका लागि परिवारकातर्फबाट ११ लाख ११ हजार १११ रुपैयाँ दिने घोषणा गरेका छन् ।
सो अक्षयकोष स्थापनाका लागि एमालेका सचिव कुमार आचार्य र एकीकृत अखिल नेपाल शिक्षक संगठनका जिल्ला उपाध्यक्ष नूरकाजी राईले पनि सहयोग गर्ने प्रतिवद्धता जनाएका छन् । कवि जसराज किरातीले शुभसेरको स्मृति प्रकाशन गर्ने जानकारी दिएका छन् । अक्षय कोषका लागि नेपाल राष्ट्रिय शिक्षक संगठनले कम्तीमा ५० हजार उपलव्ध गराउने निर्णय गरिसकेको जनाएको छ ।
अक्षयकोषबाट आउने व्याजबाट हरेक वर्ष राईको पुण्यतिथिका दिन जिल्लाका एक जना उत्कृष्ट शिक्षकलाई कम्तीमा ६० हजारको पुरस्कार प्रदान गरिने नेपाल राष्ट्रिय शिक्षक संगठनका सचिव दाहालले बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.