पाँचथर । नेपाली कांग्रेस पाँचथर प्रदेशसभा निर्वाचन क्षेत्र नम्बर ‘क’ कार्यसमितिको पदाधिकारीमा जिल्ला कार्यसमिति सभापतिका आकाङ्क्षी रूपनारायण जबेगू पक्षीय भगीश्वर योङहाङ नेतृत्वको प्यानल विजयी भएको छ ।

क्षेत्रीय कार्यसमितिको सभापति पदमा योङहाङले २९६ मत प्राप्त गर्दा प्रतिद्वन्द्वी कुमार राई (प्रताप)ले २६२ मत प्राप्त गरेका छन् । राई कांग्रेस जिल्ला कार्यसमिति सभापतिका आकाङ्क्षी सुरेन्द्रकुमार दाहाल पक्षधर हुन् ।

यस्तै कार्यसमितिको सचिवमा योङहाङको प्यानलका यससुन्दर आचार्य र सन्तोष मोक्तान विजयी भएका छन् । आचार्यले ३२६ मत र मोक्तानले २७८ मत प्राप्त गरेका छन् । सचिव पदमा राईको प्यानलका केशव गुरागाईंले २३० मत र टेकराज योङहाङले २०७ मत प्राप्त गरेका छन् ।

सहसचिवमा योङहाङको प्यानलका नरेन्द्र पन्थ ३०६ मत र सुन्दर थोक्लिहाङ ३१४ मत पाई विजयी भएका छन् । सहसचिव पदमा राईको प्यानलका राजन बुढाथोकीले २२१ मत र रुपेन्द्र तामाङले १७९ मत प्राप्त गरेको निर्वाचन अधिकृत लक्ष्मीप्रसाद ढुङ्गानाले घोषणा गरेका छन् । प्रदेश अधिवेशन प्रतिनिधिको भने मतगणना जारी छ ।

पाँचथर प्रदेशसभा निर्वाचन क्षेत्र नम्बर ‘क’बाट अधिवेशनका लागि क्षेत्रीय प्रतिनिधि र वडा सभापति गरी ५८४ जना चुनिएका छन् । जसमध्ये आज बिहान भएको मतदानमा ५७२ जनाले भाग लिएका थिए । १२ जना भने मतदानमा अनुपस्थित थिए । क्षेत्रीय कार्यसमितिको उपसभापतिमा भने भरतकुमार खपाङ्गी र सीताराम न्यौपाने सर्वसम्मत निर्वाचित भएका छन् ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

भोटेकोसी बाढीपछि प्रधानमन्त्री राहत कोषमा १७ अर्ब ७५ करोडभन्दा बढी मौज्दात

विद्युत् महसुलको पाँच प्रतिशत भ्याट हटाउन उज्यालो नेपालको हस्ताक्षर अभियान