उदयपुर ।  उदयपुरको चौदण्डीगढी दरबार क्षेत्रमा नेपाली सेनाले एकिकरण पदयात्रा सञ्चालन गरेको छ । नेपालको राष्ट्रिय एकता र प्रतिष्ठाको प्रवर्द्धन गर्ने उद्देश्यसहित  नेपाली सेनाकाे रणशार्दुल गणले चौदण्डीगढी किल्लामा शनिबार एकीकरण पदयात्रा सञ्चालन गरेको हो ।

नेपाली सेनाको आयोजनामा चौदण्डीगढी नगरपालिका–. ६ बेल्टार बजारबाट नेपाली सेना, नेपाल प्रहरी र सशस्त्र प्रहरी बलको संयुक्त टोलीले सांस्कृतिक झाँकीसहित मार्चपास गरेको थियो । टाेली चौदण्डीगढी नगरपालिकाकै वडा नं. १ स्थित ऐतिहासिक चौदण्डीगढी किल्ला क्षेत्रसम्म  पुगेकाे थियाे ।

समाराेहमा  प्रमुख जिल्ला अधिकारी बीरेन्द्रकुमार यादव, चौदण्डीगढी नगरपालिकाका नगर प्रमुख खगेन्द्र राई, सहायक प्रमुख जिल्ला अधिकारी बिनोदकुमार पोखरेल, नेपाल प्रहरीका प्रमुख प्रहरी उपरिक्षक सुबासचन्द्र बोहोरा, चौदण्डीगढी नगरपालिका वडा नं. १ का जनप्रतिनिधी, स्थानीय बुद्धिजिवीलगायत स्थानीय बासिन्दाहरुको उपस्थिती रहेको थियो ।

ऐतिहासिक तथा पुरातात्विक महत्वका सम्पदाहरुको संरक्षणका साथै राष्ट्रिय एकता र प्रतिष्ठाको प्रबर्द्धन हुने नेपाली सेनाले बताएको छ । नेपाली सेनाको रणशार्दुल गणले लामेसमयदेखि गढी किल्ला संरक्षण तथा प्रबर्द्धको लागि विभिन्न कार्यक्रम सञ्चालन गर्दै आएको छ । संयुक्त टोलीले बेल्टार बजारदेखि चौदण्डीगढी दरबार सम्म करिब २० किलोमिटर पदयात्रा गरेको थियो ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

चितवनमा दुई जातका अङ्गुरको परीक्षण

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने