बैतडी । बुधबार राष्ट्रियसभाको उपनिर्वाचन हुन गइरहेको छ । देशभर १९ सिटका लागि हुने राष्ट्रियसभा सदस्यको निर्वाचनका लागि मतदाता भोट हाल्ने ठाउँमा पुगिसकेका छन् ।
सुदूरपश्चिम प्रदेशअन्तर्गत तीन जनाको लागि भइरहेको निर्वाचनमा नेकपा (एमाले)ले बैतडीका नरेशकुमार विश्वकर्मालाई उम्मेदवार बनाएको छ ।
उनलाई उम्मेदवार बनाए पनि जित्ने सम्भावना कम देखिन्छ । यसअघिसमेत हार्ने निश्चित भएका बेला बैतडीका दुई व्यक्तिलाई उम्मेदवार बनाइएको थियो ।
गत चुनावमा नेपाली कांग्रेसले बैतडीका शेरीराम पार्की र प्रतापसिंह ठगुन्नालाई हार्ने निश्चित भएका बेला उम्मेदवार बनाएको थियो । फलस्वरुप उनीहरू दुवै जना हारे । तर, अहिले कांग्रेस माओवादी र नेकपा (एकीकृत समाजवादी)को गठबन्धन भएकाले जित्ने सम्भावना भएका बेला भने ती व्यक्तिले टिकट पाएनन् ।
चुनाव जित्ने बेलामा अन्य जिल्लाका व्यक्तिहरूलाई प्रतिस्पर्धामा उतार्ने र हार्ने बेला बैतडीका व्यक्तिलाई उम्मेदवार बनाउने सबै दलको परिपाटी नै देखिएको छ ।
अहिले सुदूरपश्चिमबाट ५२जना प्रदेशसभा सांसद र अन्य स्थानीयतहका प्रमुख तथा उपप्रमुख गरी जम्मा २सय २७ जनाले मतदान गर्नेछन् । प्रदेश सांसदको मतभार ४८ रहनेछ भने पालिका प्रमुख उपप्रमुखको मतभार १८ रहनेछ ।
सुदूरपश्चिममा गठबन्धनका तर्फबाट खुल्लातर्फ नेपाली कांग्रेसका नारायण मिश्र(कैलाली), महिलातर्फ नेकपा(एस)का गरिमा शाह (बाजुरा) र दलिततर्फ माओवादीका जगत पार्की (डडेल्धुरा) लाई उम्मेदवार बनाएको छ ।
यसैगरी नेकपा (एमाले)बाट खुल्ला पुरुषतर्फ दिल्लीराज भट्ट (कैलाली), महिलातर्फ सन्तोषी शर्मा(कैलाली) र दलित तर्फ नरेश कुमार विश्वकर्मा (बैतडी)लाई उम्मेदवार बताएको छ ।
बैतडीबाट राष्ट्रियसभा सदस्यका उम्मेदवार विश्वकर्मा २०४६साल यता राजनीतिमा सक्रिय छन् । उनी अहिले नेकपा(एमाले)को सुदूरपश्चिम प्रदेश कमिटी सदस्य हुन् । विश्वकर्मा स्थानीयतहको चुनावमा बैतडीको पाटन नगरपालिकामा मेयरका उम्मेदवार बनेका थिए ।
विश्वकर्मासँगको प्रतिस्पर्धामा रहेका पार्की माओवादी नेता हुन् । तर, पार्की भने बन सम्बन्धी मुद्दा अन्तरगत अदालतबाट सजाय समेत पाएका व्यक्ति हुन् । अभियोग लागेका व्यक्तिलाई उम्मेदवार बनाएको भन्दै विरोधसमेत भएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.