चितवन ।  बागमती प्रदेश अन्तर्गत उपत्यका बाहिरका दश जिल्लामा सबैभन्दा बढी दुर्घटना हुने जिल्लाको रुपमा चितवन रहेको छ । प्रदेश ट्राफिक कार्यालय रामनगरका अनुसार मकवानपुर, चितवन, धादिङ, नुवाकोट, रसुवा, काभ्रे, सिन्धुपाल्चोक, रामेछाप, दोलखा र सिन्धुली जिल्ला मध्ये चितवनमा सबै भन्दा बढी दुर्घटना भएको हो । कार्यालयको तथ्याङ्क अनुसार बागमती प्रदेशका १० जिल्लामा गत सात महिनामा ९ सय ८० दुर्घटना भएका छन् ।

ती दुर्घटना मध्ये चितवनमा मात्रै २ सय ९५ दुर्घटना भएको कार्यालयका प्रमुख प्रहरी उपरिक्षक शुशिल सिंह राठोरले जानकारी दिनुभयो । राठोरका अनुसार चितवन पछि दुर्घटनाका हिसाबले मकवानपुर दोस्रो स्थानमा रहेको छ । धादिङ तेस्रो स्थानमा रहेको उहाँले जानकारी दिनुभयो । मकवानपुरमा १ सय ६५ दुर्घटना भएको छ भने धादिङमा १ सय ५९ दुर्घटना भएको छ । यस्तै सिन्धुलीमा १ सय ५७ वटा दुर्घटना भएको राठोरले जानकारी दिनुभयो ।

कार्यालयको तथ्याङ्क अनुसार काभ्रेमा ७९ वटा, नुवाकोटमा ४५ वटा, सिन्धुपाल्चोकमा ४० वटा, दोलखामा १८, रामेछापमा १६, रसुवामा ६ वटा दुर्घटना भएका छन् । प्रदेशमा भएका दुर्घटना मध्ये सबैभन्दा धेरै सडकको अबस्थाका कारण भएको कार्यालयले जनाएको छ । बागमती प्रदेशमा रहेका सडकहरु जिर्ण वन्दै जाँदा सडकका कारण वढि दुर्घटना भएका हुन । सडकका कारण ४ सय ८९ वटा दुर्घटना भएको राठोरले बताउनुभयो । उहाँका अनुसार सडकको अबस्था, तिब्र गति, ओभरटेक लगाएतका कारण दुर्घटना वढि हुने गरेको छ । तिब्र गतिका कारण २ सय ३८ वटा दुर्घटना भएको उहाँले बताउनुभयो ।

चालकको लापरवाहीका कारण ६५ वटा दुर्घटना भएका छन् । यात्रुको गल्तिका कारण ५१ वटा, मादक पदार्थ सेवन गरेर सवारी चलाउँदा ४१ वटा, यान्त्रीक खराबीका कारण २९ वटा दुर्घटना भएको कार्यालयको तथ्याङ्कले जनाएको छ । कार्यालयका अनुसार प्रदेशमा भएका दुर्घटनामा १ हजार ४ सय १५ सवारी परेका छन् । जसमा सबैभन्दा धेरै मोटरसाईकल रहेका छन् । प्रदेशभित्र भएका दुर्घटनामा ७ सय २५ वटा मोटरसाईकल परेको उहाँले बताउनुभयो ।

यस्तै कार जिप २ सय ४१ वटा, ट्रक टेंकर १ सय ६१ वटा, बस १ सय ५ वटा टिप्पर ५३ वटा, टेक्टर ४५ वटा, टेम्पो ४० वटा, शारिरिक शक्तबाट चल्ने ३५ वटा सवारी साधन दुर्घटनामा परेका छन् । यी दुर्घटनामा परि ३ सय ७४ जनाको मृत्यु भएको छ भने २ हजार ९८ जना घाईते भएका छन् । घाईते मध्ये ५ सय ३० जना गम्भिर र १ हजार ५ सय ६२ जना सामान्य घाईते भएका हुन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै