चितवन । गण्डकी प्रदेशका मुख्यमन्त्री कृष्णचन्द्र नेपाली पोखरेलले प्रदेशसरकारसँग पर्याप्त साधन र स्रोत नभएको बताउनुभएको छ । आज भरतपुरमा पत्रकारहरुसँग कुराकानी गर्दै मुख्यमन्त्री पोखरेलले नारायणी कटान चितवन नवलपुरका लागि मुख्य समस्या भएको बताउँदै तटवन्धका लागि पर्याप्त साधन स्रोत अभाव रहेको बताउनुभयो ।
उहाँले भन्नुभयो,“प्रदेशको पहिलो प्राथमिकतामा छ तर साधन स्रोत नहुँदा केन्द्रकै भरमा छौँ । काम त भइरहेको छ तर जति हुनुपर्ने हो त्यो हुन सकेको छैन।”
नवलपुरका लागि अझ ठूलो समस्या रहेको तर ठूलो परियोजना समेत भएकाले तटवन्धका लागि केन्द्र सरकारकै भरमा बस्नुपरेको उहाँको भनाई थियो । अहिले डिपिआर नै बनाएर नारायणी तटबन्धका लागि केन्द्र सरकारले बजेट समेत दिएको बताउँदै प्रदेशबाट सक्ने बजेट निरन्तर पठाएर नारायणीबाट हुने क्षती रोक्न काम भइरहेको पोखरेलले बताउनुभयो ।
साथै उहाँले प्रदेशकै लाइफलाइन मानिएको कोरला त्रिवेणी सडकखण्डको रोकिएका ठाउँमा समेत काम सुरु गर्ने पहल भइरहेको दाबी गर्नुभयो । निकुञ्जका कारण रोकिएको स्थानमा काम गर्न केन्द्रका मन्त्रालयसँग सहमति गरी काम अगाडि बढेको उहाँको भनाई छ । यसअघिको सरकारले चार वर्षसम्म पनि कुनै पहल नगर्दा त्रिवेणीका जनता अर्को प्रदेश भएर आफ्नो जिल्ला आउन वाध्यत भएको पोखरेलको भनाई थियो । तर गठवन्धन सरकार बनेपछि अहिले डेडगाउँ झ्यालवास सडक ठेक्कामा गइसकेको र रोकिएको स्थानमा पनि चाँडै काम सुरु हुनेगरी पहल भइरहेको बताउनुभयो ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित