चितवन । खैरहनी नगरपालिका भित्र रहेका मिर्गौला रोगी विरामीको तथ्यांक संकलन गरेर डायलाईसिसका लागि यातायात खर्च दिईने भएको छ । नगर भित्र कति जना विरामी छन्, उनीहरुले कति पटक डायलाईसिस गर्छन् सोको पूर्ण तथ्यांक लिईने छ । त्यसका आधारमा नगरले चालु आर्थिक वर्षमा विनियोजन गरेको वजेटबाट उनीहरुलाई अस्पताल सम्म पुग्नका लागि यातायात खर्च दिईने नगर प्रमुख लालमणि चौधरीले वताए । असारमा सम्पन्न भएको सातौ नगरसभाले मिर्गौला पीडित विरामीका लागि अस्पताल सम्म पुग्न यातायात स्वरुप प्रदान गर्न २ लाख रुपैया छुट्याईको छ । नगर सभाले २ लाख विनियोजन गरेको छ नगर प्रमुख चौधरीले भने – तथ्यांक संकलन पछि अपुग हुने स्थिति देखिएमा पुषको नगर सभाले थप वजेट विनियोजन गर्छ । कागजपत्र पुरा गरेका विरामीलाई चौमासिक रुपमा यातायात खर्चको रकम दिईने छ । सामाजिक विकास समितिको विहीवार वसेको वैठकले एचआईभी पीडित र विपन्न समुदायको स्वास्थ्य बीमाका लागि कार्यविधी वनाउन एक समिति गठन गरेको छ । सामाजिक विकास समिति संयोजक मनेजर महतोको संयोजकत्वमा प्रमुख प्रशासकीय अधिकृत र महिला तथा वालवालिका शाखा प्रमुख कृष्णकुमारी गुरुङ सदस्य रहेको कार्यविधि निर्माण समिति वनाईएको स्वास्थ्य शाखा प्रमुख अनुप अधिकारीले वताए । कार्यविधि निर्माण पछि त्यस्ता व्यक्तीहरुको बीमा प्रक्रिया सुरु हुनेछ । स्वास्थ्य बीमाका लागि नगरपालिकाले यो वर्ष ३ लाख ४९ हजार रुपैया विनियोजन गरेको सामाजिक विकास समिति संयोजक महतोले वताए । वैठकमा नगर प्रमुख चौधरी,उपप्रमुख सुनिता थपलिया,प्रमुख प्रशासकीय अधिकृत पुरुषोतम शर्मा,स्थानीय शिक्षा अधिकारी राजु वानियाँ,स्वास्थ्य शाखा प्रमुख अनुप अधिकारी,सामाजिक विकास समिति सदस्यहरु मैया विक,पवन श्रेष्ठ,कृष्ण सुवेदीको उपस्थिती रहेको थियो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै