चितबन । भरतपुर महानगरपालिका वडा नम्बर ७ स्थीत तेह्रसाल चोकमा बोस्टन इन्टरनेशनल कलेजको व्यवस्थापनमा अत्याधुनिक सुबिधा सहितको बिद्यालय सञ्चालनमा आएको छ ।

अंकुरम एकेडेमी’ नाम गरेको सो विद्यालयले कक्षा१ देखि १२ सम्मका विद्यार्थीहरूका लागि सैद्धान्तिक तथा व्यावहारिक ज्ञानलाई समेत प्राथमिकता दिएको आइतबार भरतपुरमा पत्रकार सम्मेलन गरेर जानकारी गराएको हो। पत्रकार सम्मेलन विद्यालयका अध्यक्ष आनन्द बहादुर चन्दले चितवनमा नयाँ सोच र शैलीमा विद्यालय सञ्चालन गरिएको बताए।

उनले शैक्षिक हबको रुपमा बिकास भइरहेको चितबनलाई बिश्वब्यापी रुपमा चिनाउन बालबालिका अन्तरास्ट्रियस्तरको शिक्षा दिने उद्देश्यले बिद्यालय सञ्चालन गरेको बताए । उनले अंग्रेजी विषयमा बढी जोड दिने गरी अध्यापन गराउने योजनासहित सञ्चालनमा आएको विद्यालयमा नेपालसहित भारतका विषयविज्ञहरूमार्फत पठनपाठन गराउने बताए।

कक्षा १ देखि ५ सम्म २४/२४ जना र कक्षा ६ भन्दा माथिका कक्षामा ३०/३० जना विद्यार्थी राखेर पढाइ सञ्चालन गर्ने उनलको भनाई छ । कुनै पनि विद्यार्थीलाई गृहकार्यबाहेकका कुनै पनि पाठ्यपुस्तक घर लैजान नपर्ने गरी शिक्षा प्रदान गर्ने लक्ष्यसहित विद्यालय सञ्चालनमा ल्याइएको अध्यक्ष चन्दको भनाइ छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै