चितवन । नेपाल जर्नी संस्था र भरतपुर महानगर बिच पुस्तकालय निमार्ण सम्झौता भएको छ । भरतपुर महानगर वडा नम्वर ४ वडा कार्यालय नजिकै रहेको जमिनमा पुस्तकालय निमार्णका लागी महानगरले नेपाल जर्नी संस्थालाई २ कठ्ठा १० धुर जग्गा उपलब्ध गराएको छ । सोही जग्गामा पुस्तकालय निमार्णका लागी नेपाल जर्नी संस्था र महानगर बिच सम्झौता भएको हो । भरतपुर महानगरका तर्फबाट मेयर रेनु दाहाल र नेपाल जर्नी संस्थाका तर्फबाट अध्यक्ष गोपाल भण्डारीले सम्झौता पत्रमा हस्ताक्षर गर्नु भएको छ । करिव ३ करोणको लागतमा नेपाल जर्नी संस्थाले महानर ४ मा दुई तले सुबीधा युक्त नेपालजर्नी अपागं मैत्रि बिद्युतिय पुस्तकालय भवन निमार्ण गर्ने छ । नेपाल जर्नी संस्था अमेरिकाकी अध्यक्ष मौषमी श्रेष्ठले पुस्तकालय निमार्णको अभियान थालनि गर्नु भएको हो । संस्थाले दाताहरुको सहयोगमा पुस्तकालय निमार्ण गर्ने छ ।

पुस्तकालय भवन दुई वर्ष भित्र निमार्ण गर्ने र निमार्ण सम्पन्न भएको तिन वर्ष सम्म नेपाल जर्नी संस्थालेनै ब्यवस्थापन गर्ने र त्यस पछि महानगरलाई हस्तान्तरण गर्ने सम्झौता पत्रमा उल्यख रहेको छ ।सम्झौता पत्रमा हस्ताक्षर गर्दै महानगर प्रमुख रेनु दाहालले नेपाल जर्नीले निर्धारित मितिमा ब्यवस्थीत र नमुना पुस्तकालय निमार्ण गर्ने र त्यसका लागी महानगरले सहयोग गर्ने बताउनु भयो ।

नेपाल जर्नी संस्थाले भरतपुरमा नमुना पुस्तकाल निमार्ण गर्ने योजना बनाएको र त्यसका लागी महानगरमा ससम्झौता भई निमार्ण समिति र अनुगमन समिति समेत निमार्ण भएको नेपाल जर्नी संस्थाका अध्यक्ष गोपाल भण्डारीले बताउनु भयो ।
नेपाल जर्नी संस्थाले महानगरमा नमुना काम गर्न लागेको नेपाल जर्नीको यो अभियानलाई सबैले सहयोग गर्नु पर्ने बरिष्ठ समाजसेबी टंकनाथ पौडेलले बताउनु भयो ।
संस्थाले संस्थाका अध्यक्ष गोपाल भण्डारीको अध्यक्षतामा ५ सदस्य अनुगमन समिति बनाएको छ । जसको सदस्य सचिवमा प्रकाश सिग्देल,सदस्यमा वडा नम्वर ४ का अध्यक्ष हरि आचार्य, कबिता खतिवडा र नबिन श्रेष्ठ रहनुभएको छ ।

त्यस्तै स्थानिय बैकुन्ठ चोक टोल सुधार समितिका अध्यक्ष शिव लामिछानेको अध्यक्षतामा निमार्ण समिति निमार्ण भएको छ । जसमा समाजसेबि तेज नारायण खरेल,उज्जवल श्रेष्ठ,गणेश लाल श्रेष्ठ,प्रकाश थापा र श्रीराम गिरि र सदस्य सचिवमा प्रकाश सिग्देल रहनुभएको छ । निमार्ण समितिले काम लाई अगाढी बढाउन अन्य समिति समेत निमार्ण गरी अगाढी बढ्ने बताईएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै