चितवन। उपप्रधान एबं गृहमन्त्री रबि लामिछानेले सुरक्षा निकायहरुलाई आदेश होईन कानुनको पालना गर्न निर्देशन दिनुभएको छ । भरतपुर बिमानस्थलमा आज जहाजबाट झरेपछि बिशिष्ट कक्षको प्रयोग नगरी सर्बसाधारणको बाटोबाट बाहिर निस्किएर पाकिङ् स्थलमा पत्रकार सम्मेलनमा बोल्दै उहाँले उच्च मनोवलका साथ काम गर्न निर्देशन दिनुभयो ।
कसैले प्रभाव पार्न खोजे कसैको पनि प्रभावमा नपर्न आग्रह गर्दै उहाँले भन्नुभयो “हामीले देशभरका प्रमुख जिल्ला अधिकारीहरुलाई निर्देशन गरिसकेका छौ ।

जे हो त्यही हुन्छ । गलत हुन दिदैंनौ । कुनै पनि ढङ्गमा जे सहि हो त्यही मात्र काम गर्नका निमित्त भनेका छौ ।” आदेश होईन कानुन पालना गर्नुहोस भनेर सुरक्षा संयन्त्रमा भनिएको उहाँले बताउनुभयो । कुनै पनि राजनैतिक पार्टीको दवावमा नपरि काम गर्नुपर्ने उहाँले बताउनुभयो । उहाँले भन्नुभयो “बिशेष गरेर कुनै पनि राजनैतिक दलले अपराध अनुसन्धानमा बाधा पु¥याउने र मेरो मान्छे छोडीदेउ भन्ने कुरा सुन्नु पर्दैन ।” अनुसन्धानमा वाधा पु¥याउने र दवाव दिएको प्रमाण ल्याएमा त्यस्ता मानिसलाई कानुनी दायरामा ल्याउन सकिने उहाँले बताउनुभयो ।

उहाँले थप्नुभयो “म सभापति रहेको राष्ट्रिय स्वतन्त्र पार्टीलाई झन निर्मम भएर काम गर्नु, हाम्रो दलको मान्छे गृहमन्त्री छ भनेर कसैले प्रभाव पार्न खोजे प्रभावमा कोही पनि नपर्नुहोला ।” नेपाल प्रहरीलाई मजबुत वनाउन र उहाँहरु भित्र देखिएका समस्या समाधान गर्दै बिधिको शासन कायम गर्नका निमित्त काम भईरहेको उहाँले बताउनुभयो । प्रहरी प्रशासनलाई चुस्त पार्नका निमित्त कयैं योजनाहरु बनिरहेको उहाँले बताउनुभयो । सो अवसरमा आँफु निर्वाचित भए पछि चितवन क्षेत्र नम्बर २ मा गरिएका कामका बारेमा उहाँले जानकारी गराउनु भएको थियो ।

गृहमन्त्री लामिछानेले आँफुले राम्रो कति गर्न सक्ने थाहा नभएको तर नराम्रो नगर्ने बताउनुभयो । सरकारले छिट्टै पूर्णता पाउने भन्दै उहाँले आफ्नो पार्टीबाट बिज्ञताको आधारमा सरकारमा सहभागी गराईने बताउनुभयो । सबै निकाय संग समन्वय गरेर बिकासका काम गरिने लामिछानेले बताउनुभयो ।

देशभर वन्द भएका अबैध क्रशर उद्योग सञ्चालनका बिषयमा सचिब स्तरीय छलफल भइरहेको भन्दै उहाँले कानुनको पालना गर्ने कुरामा आँफु कटिवद्ध रहेको बताउनुभयो । व्यवसायीहरु संग छलफल गरेर यसको समाधान निकाल्ने उहाँले बतान्ुभयो ।

लामिछाने गृहमन्त्री भए पछि पहिलो पटक आँफु निर्वाचित भएको क्षेत्र एबं जिल्ला आउनु भएको हो । उहाँको स्वागतमा सुरक्षा निकाय र सुभेच्छुक कार्यकर्ता पुगेका थिए ।

चितवनमा बाघको आक्रमणबाट ४६ वर्षीय भीम महतोको मृत्यु, बाघ नियन्त्रणमा

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन