चितवन ।  राष्ट्रिय जनमोर्चाका अध्यक्ष चित्रवहादुर केसीले चितवन क्षेत्र नम्बर २ मा हुने उपनिर्बाचनमा राष्ट्र र राष्ट्रियताको रक्षाका लागि आफ्नो पार्टीले उम्मेदवारी दिएको बताउनुभएको छ । राष्ट्रिय जनमोर्चाले आज यहाँ आयोजना गरेको पत्रकार सम्मेलनमा बोल्दै उहाँले राट्रियता र स्वाधिनताका लागि जनमोर्चाले उम्मेदवारी दिएको बताउनुभयो । देशको राजनीतिक स्थिति प्रतिगमन तर्फ उन्मुख भईरहेको बताउँदै उहाँले यसलाई रोक्नका लागि राष्ट्रिय जनमोर्चाको उम्मेदवारले बिजयी हाँसील गर्नुपर्ने बताउनुभयो ।

उहाँले भन्नुभयो “राष्ट्रियता गम्भीर खतरामा छ ।” लोकतन्त्र र गणतन्त्रको रक्षाका लागि सरकारलाई समर्थन गरेको बताउँदै उहाँले गठवन्धनको आवश्यकता अहिले पनि रहेको बताउनुभयो । राष्ट्र र राष्ट्रियताको बिषयमा आफ्नो पार्टीले गम्भीर भएर आवाज उठाउँदै आएको हुँदा आफ्ना उम्मेदवारले निर्वाचन जित्ने उहाँले बिश्वास व्यक्त गर्नुभयो । नेपालमा बिदेशी हस्तक्षेप वढ्दै गएको बताउँदै उहाँले यसलाई रोक्नका लागि उप निर्वाचनमा आफ्नो दलले उम्मेदवारी दर्ता गराएको बताउनुभयो ।

राष्ट्रिय जनमोर्चाले केन्द्रिय उपाध्यक्ष जनकराज शर्मालाई उम्मेदवार बनाएर निर्वाचनको मैदानमा आएको छ । निर्वाचनमा आफ्नो उम्मेदवार बिजयी वन्ने बताउँदै केसीले मत परिणाम नआउँदै यो वा त्यो भन्न नहुने बताउनुभयो । उहाँले भन्नुभयो “निर्वाचनमा हार जीत सामान्य हो । आफ्नो मुद्धाका लागि उम्मेदवारी दिनु पर्छ ।” आँफुहरु अमेरिकी साम्राज्यवादको बिरोधी अभियानको रुपमा निर्वाचनमा आएको उहाँको जीकीर छ । सरकारलाई समर्थन दिएर प्रतिपक्षमा वसेको जनमोर्चा सरकारको गुण र दोशका आधारमा बिरोध र समर्थन गर्ने केसीको भनाई छ ।

कार्यक्रममा बोल्दै उम्मेदवार शर्माले नेपाललाई प्रयोगशाला बनाउन खोजीएको र यसको बिरुद्धमा आफ्नो उम्मेदवारी रहेको बताउनुभयो । साम्राज्यबादी शक्तिको बिरुद्धमा अभियानको रुपमा आँफुहरु जनताकोमा जाने उहाँको भनाई थियो ।

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन

परराष्ट्रमन्त्री खनालसँग युरोपेली सङ्घका नवनियुक्त राजदूतको शिष्टाचार भेट