कञ्चनपुर । पुनर्वास नगरपालिका प्रमुख जीवनराम थापाका माईला छोरा देवेन्द्र थापा, भतिज स्वकीय सचीव टेक थापा लगायतको टोलीले ईलाका प्रहरी कार्यालयमा ढुंगामुडा गर्नुका साथै कुटपिट गरेको छन् ।
उनीहरुले प्रहरीमाथि कार्यालयमै कुटपिट गरेका हुन । ईलाका प्रहरी कार्यालय त्रिभुवनबस्ती कञ्चनपुरमा कार्यरत प्रहरी निरीक्षक (सई) गोपाल बोहरा र एकजना प्रहरी हवल्दार कार्यालय भित्रै कुटिएका हुन् ।
तास खेलिरहेका केही व्यक्तिहरुलाई पक्राउ गरेर इलाका प्रहरी कार्यालयमा ल्याइएपछि उनीहरुलाई छुटाउन गएको सो टोलीले ढुंगामुडा गर्दै प्रहरीलाई कुटपिट गरेको प्रहरीको आरोप छ ।
तर, प्रहरीले आफूहरूलाई कुटपिट गरेको बताए पनि उल्टै आफूलगायत त्यहाँ गएको टोलीलाई नियन्त्रणमा लिएर लठ्ठी र बुटले कुटपिट गरेको टेक थापाले बताउनुभयो।
उहाँले आँफुलाई सई बोहराले आफूलगायत देवेन्द्र थापा र अन्यलाई निर्घात कुटपिट गरेको बताउनुभयो । कुटपिटबाट घाइते उनीहरुको स्थानीय अस्पतालमा उपचार भइरहेको छ ।
सुदूरपश्चिम प्रदेश प्रहरी कार्यालयका निमित्त प्रमुख वरिष्ठ उपरीक्षक मुकेश सिंहले इलाका प्रहरी कार्यालयका इन्चार्ज प्रहरी निरीक्षक सहितका प्रहरीमाथि कुटपिट भएको घटनाको विषयमा छानविन गर्न निर्देशन दिईएको बताउनुभयो।
तास खेलिरहेको अवस्थामा पुर्नवासका केही व्यक्तिहरुलाई नियन्त्रणमा लिएको विषयमा वादविवाद भएर प्रहरीमाथि कुटपिट भएको भन्ने खबर आएको उहाँले बताउनुभयो । सो घटनाको छानविन गर्न निर्देशन दिईसकेको सिंहले जानकारी दिनुभयो।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.