लाइसियम स्कुलका विद्यार्थीद्वारा आदर्श गृहको अध्ययन

हल्कारो समाचार

आइतबार, असार १०, २०८० मा प्रकाशित

चितवन । रत्ननगरको निपनीमा रहेको लाइसियम स्कुलमा कक्षा ७ मा अध्ययन गर्ने विद्यार्थीहरुले शनिवार भरतपुरमा रहेको आदर्श गृहको अवलोकन र अध्ययन गरेका छन् । अध्ययनका क्रममा आदर्श गृहकि अध्यक्ष समाजसेवी मिना खरेलले विद्यार्थीहरुले रुची देखाएर आदर्श गृहमा आई अध्ययन गरेकोमा खुशी व्यक्त गर्नु हुँदै विद्यार्थीहरुको अनुरोध अनुसार आफ्नो समाजसेवाको जीवनयात्राको वर्णन गर्नु भएको थियो भने आदर्श गृहको व्यवस्थापन र अवस्थाका सम्वन्धमा समेत चर्चा गर्नु भएको थियो ।

उक्त अवसरमा विद्यालयका प्रवन्ध निर्देशक सन्तोष पन्तले विद्यार्थीहरुको पाठ्यपुस्तकमा भएका विभिन्न पाठहरुमा सामाजिक अध्ययन जोडिएकोले उनिहरुलाई मानव सेवाको अनुभूति गराउँदै भविष्यमा एक मानवले अर्को मानवलाई सहयोग गर्नु पर्छ भन्ने भावन जागृत गराउन लाइसियम स्कुलले यसरी अध्ययन भ्रमण गराउने गरेको वताउनु भयो भने शिक्षक भिमा कुमारी थापा र शान्ति अधिकारी पौडेलले बालबालिकाहरुले दिलशोभा श्रेष्ठ संग सम्वन्धित पाठ अध्ययन गर्ने क्रममा समाजसेवी मिना खरेललाई भेट््न र उहाँको जीवनी र समर्पणवारे जानकारी राख्न इच्छा व्यक्त गरेकोले आदर्श गृहको अध्ययन भ्रमण गराईएको जानकारी दिनु हुँदै आफुलाई पनि आदर्श गृहको व्यवस्थापनले उत्प्रेरित गरको वताउनु भयो ।

उक्त अवसरमा प्रवन्ध निर्देशक सन्तोष पन्त र लाइसियम बाल क्लवका अध्यक्ष पियुष पाण्डे, उपाध्यक्ष साइमा लामाले समाजसेवी मिना खरेललाई सम्मान गर्नुका साथै विद्यालय तथा वालक्लवका तर्फबाट सहयोग रकम समेत हस्तान्तरण गरेका थिए भने अन्य विद्यार्थीहरुले आफुले ल्याएका खाध्य सामग्री र शैक्षिक सामग्री आदर्श गृहको बालक्लवलाई हस्तान्तरण गरेका थिए ।

लाइसियम स्कुलले बाल क्वलका माध्यमबाट शिक्षक, विद्यार्थी तथा कर्मचारीहरुका जन्मोत्सवका अवसरमा विद्यालय परिसरमा केक काट्ने, चक्लेट बाँड्ने आदि फजुल खर्चको प्रतिवन्ध लगाएको छ भने असहायहरुलाई सहयोग गर्न सहयोग वाकस स्थापना गरी जन्मोत्सवका दिन स्वेच्छिक रुपमा सहयोग वाकसमा रकम राख्न सक्ने व्यवस्था मिलाएको छ ।