बुटवल । प्रदेश ५ को राजधानी र नामकरणको लागी आज प्रदेशसभामा मतदान हुँदैछ । प्रस्तावका विषयमा छलफल गर्न प्रदेश सभा बैठक मध्यान्ह १२ः०० बजेका लागि बोलाइएको छ । सरकारले शुक्रबार दर्ता गरेको स्थायी राजधानी दाङको देउखुरी र नाम लुम्बिनी हुने भन्ने प्रस्तावमाथिको छलफल सोमबार सकिएकाले आज मतदान हुन लागेको हो । जनता समाजवादी पार्टी, नेपालका तर्फबाट प्रदेशको नाम थारुहट–अवध–मगरात नामाकरण गर्न माग गर्दै एउटा संशोधन प्रस्ताव दर्ता भएको छ । आज बैठकमा संशोधन दर्ता गर्ने संशोधनकर्तालाई सुरुमा बोल्ने मौका दिइने र त्यसलगत्तै प्रस्तावलाई मतदान प्रक्रियामा लैजाने तयारी प्रदेश संसद सचिवालयले गरेको छ । प्रस्ताव पास हुनका लागि प्रदेशसभामा रहेका ८७ जना सांसदमध्ये ५८ जनाको मत चाहिन्छ । ६१ सांसद रहेको नेकपाका सबै सांसदले सरकारको प्रस्तावमा मतदान गरेमा राजधानी दाङ र प्रदेशको नाम लुम्बिनी कायम हुनेछ । प्रदेश सभामा कांग्रेसका १९, जनता समाजवादी पार्टीका ६ जना र राष्ट्रिय जनमोर्चाका १ जना सांसद छन् । कांग्रेस र समाजवादीका केही सांसदले समेत प्रस्तावको पक्षमा मतदान गर्ने सम्भावना छ । स्थायी राजधानीको विषयलाई लिएर प्रतिपक्षी नेपाली काग्रेसका सांसदले सोमबार प्रदेश सभा बैठकमै तोडफोड समेत गरेका थिए । – गोरखा समाचार

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

भोटेकोसी बाढीपछि प्रधानमन्त्री राहत कोषमा १७ अर्ब ७५ करोडभन्दा बढी मौज्दात

विद्युत् महसुलको पाँच प्रतिशत भ्याट हटाउन उज्यालो नेपालको हस्ताक्षर अभियान