चितवन । चितवनमा दुई वटा मोटरसाइकल र एउटा टिपर आपसमा ठोक्किँदा मोटरसाइकल चालकको मृत्यु भएको छ । मृत्यु हुनेमा भरतपुर महानगरपालिका वडा नम्बर ११ नवजीवन टोल बस्ने ३८ वर्षीय प्रेमबहादुर तामाङ रहेका छन् ।

बागमती प्रदेश प्रहरी कार्यालयका अनुसार मंगलवार दिउँसो करिब १ः३५ बजेको समयमा भरतपुर–११ को वडा कार्यालय अगाडि भोजाडबाट विशालचोकतर्फ आउँदै गरेको बा प्र ०६–००२ प ७६५ नम्बरको मोटरसाइलमा सोही दिशाबाट आउँदै गरेको ना ३९ प २१०२ नम्बरको मोटरसाइकल ठोक्किन पुगेको थियो ।

विशालचोकबाट भोजाडतर्फ गइरहेको प्रदेश २–०३–००१ ख ३७९८ नम्बरको टिपरले ना ३९ प २१०२ नम्बरको मोटरसाइकललाई ठक्कर दिँदा चालक तामाङ गम्भीर घाइते भएका थिए । तामाङ्गको उपचारका क्रममा दिउँसो ४ बजेतिर पुरानो मेडिकल कलेजमा मृत्यु भएको प्रहरीले जानकारी दिएको छ ।

प्रहरीले टिपर चालकलाई नियन्त्रणमा लिएको छ । बा प्र ०६–००२ प ७६५ नम्बरको मोटरसाइल चालक फरार भएको र उनको खोजतलास गर्ने काम भइरहेको प्रहरीले जनाएको छ ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो