चितवन । उद्योग वाणिज्य संघ–चितवनले कोरोना राहत कोषको स्थापना गरेको छ । महाव्यापी रुपमा विश्वभर फैलिएको कोरोना भाईरस (कोभिड १९)को कारण नेपालमात्र नभई विश्वनै आक्रान्त बनेको भन्दै राहत दैनिक ज्यालादारी मजदुरको लागि राहत कोषको स्थापना गरिएको हो ।

संघका अध्यक्ष राजु श्रेष्ठले कोरोना रोकथाम तथा नियन्त्रण गर्नका लागि नेपाल सरकारले गरेको लक डाउनका कारण दैनिक ज्यालादारी गर्ने मजदुर लगायत बिपन्न परिवारको दैनिकी कष्टकर हुदै गएकोले राहत कोष स्थापना गरिएको बताए । संघले हाललाई ३ लाखको राहत कोष स्थापना गरेको छ ।संघको राहत कोषका लागि उद्योग वाणिज्य संघ–चितवनको तर्फबाट रु १ लाख ३० हजार र कार्यसमितिको तर्फबाट १ लाख ७० हाजर गरी हाललाई ३ लाखको कोरोना राहत कोषको स्थापना गरिएको अध्यक्ष श्रेष्ठले जानकारी दिए ।
यसलाई बृद्धि गर्न संघमा आवद्ध सदस्य , वस्तुगत संघ, व्यवसायीक प्रतिष्ठानलाई समेत अपिल गर्ने निर्णय गरेको संघका कार्यसमिति सदस्य एवम् स्वास्थय समितिका संयोजक सिरिस पन्तले जानकारी दिए । संस्थागत सामाजिक उत्तरदायित्व अन्र्तगत रहेर उद्योग वाणिज्य संघ–चितवनले विपद्को समयमा सहयोग स्वरुप कोषको स्थापना गरिएको र एक द्धार प्रणाली मार्फत नै कोषको रकम सदुपयोग गरिने बताईएको छ ।

संघले यस अगावै कोरोना भाइरस रोकथाम , नियन्त्रण एवम् सहयोगका लागि दैनिक ज्यालादारी गर्ने एवम् विपन्न बर्गलाई खाद्यान्न वितरण, भरतपुर अस्पताललाई स्वास्थ्य सुरक्षा कवच सहयोग गरिसकेको छ । संघले बजारमा खाद्यान्नको आपूर्ति व्यवस्थापन गर्नका लागि समेत अनुगमन र पहल समेत गर्दै आइरहेको छ । संघको चैत २४ गते वसेको संघका पदाधिकारी, कार्यसमिति सदस्य एवम् सम्बन्धि कार्यगत समितिका संयोजकहरुको उपस्थितिमो उक्त राहत कोषको स्थापना गरिएको संघले कार्यक्रम सयोजक निल बहादुर केसीले जानकारी दिए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै