चितवन । तेस्रो बागमती प्रदेश खेलकुद प्रतियोगिताको कराँतेमा चितवनले कीर्तिमानी सफलता हात पारेको छ । भरतपुरको कभर्ड हलमा भएको प्रतियोगितामा चितवन टिम प्रथम भएको हो ।
प्रदेश खेलकुद प्रतियोगिता अन्तर्गत कराँतेमा चितवन टिम प्रथम भएको यो नै पहिलो पटक हो । चितवन जिल्ला खेलकुद बिकास समितिका अध्यक्ष राजन कार्कीको नेतृत्वमा बागमती प्रदेश खेलकुद छनौट अघि ईतिहासमा नै पहिलो बन्द प्रशिक्षण राखिएको थियो ।
जस कारण चितवन बागमती प्रदेश खेलकुद प्रतियोगितामा कराँतेतर्फ पहिलो पटक टिम प्रथम भएको हो । कार्कीले नेतृत्व सम्हालेयता खेलाडी र खेल क्षेत्रको बिकासमा जोड दिदै बन्द प्रशिक्षण, विभिन्न तालिम तथा खेल सामग्री सहयोगजस्ता कार्यक्रम गर्दै आएका छन् ।
कीर्तिमानी सफलता हासिल गरेको चितवनले प्रतियोगितामा ३ स्वर्ण, ५ रजत र ३ कास्यसहित ११ पदक जितेको छ । यस्तै करातेतर्फ काठमाडौं दोस्रो भएको छ । उसले ३ स्वर्ण र २ कास्य जितेको छ । तेस्रो भएको ललितपुरले २ स्वर्ण, ३ रजत र ५ कास्य पदक हात पारेको प्रतियोगिता संयोजक रवि महर्जनले जानकारी दिए ।
प्रतियोगितामा नुवाकोटका साहिल नेपाली पुरुषतर्फ उत्कृष्ट तथा दिया पहरी महिलातर्फ उत्कृष्ट खेलाडी घोषित भएका छन् । प्रतियोगिताका १७ स्वर्णका लागि प्रतिस्पर्धा भएको थियो ।
विजेताहरुलाई समापन समारोहका प्रमुख अतिथि कराँते महासंघका अध्यक्ष युवराज लामा, बागमती प्रदेश खेलकुद परिषद्का सदस्य कृष्णबहादुर नेपाल सुजन, चितवन जिल्ला खेलकुद बिकास समितिका अध्यक्ष राजन कार्की, सितोरियो कराँते बागमती अध्यक्ष गगन लामा, प्रतियोगिता संयोजक रवि महर्जनलगायतले पुरस्कार वितरण गरे ।
सो क्रममा कराँते महासंघका अध्यक्ष लामाले निरन्तरको अभ्यास र यस किसिमको प्रतियोगिताले खेलाडीमा निखारता ल्याउने बताए । उनले अहिले देशका ६ प्रदेशमा प्रतियोगिता चलिरहेको जानकारी दिए ।
जिल्ला खेलकुदका अध्यक्ष राजन कार्कीले चितवनको खेल क्षेत्र राम्रो ट्र्याकमा अघि बढिरहेको बताए । उनले आफूले समितिको कार्यभार सम्हालेदेखि नै जिल्लाको खेल क्षेत्रको बिकासमा ध्यान दिएको बताए । फलस्वरुप चितवनले राष्ट्रिय प्रतियोगिताहरुमा नतिजा सुधार गर्दै राम्रो उपलब्धि हासिल गरिरहेको उनको भनाइ थियो ।
तेस्रो बागमती प्रदेश खेलकुद प्रतियोगितामा चितवन यस अघि पुरुष क्रिकेट र एथ्लेटिक्समा प्रथम भईसकेको छ भने महिला क्रिकेटमा उपविजेता भएको छ । त्यस अघि आजै भएको उद्घाटन समारोह चितवनका प्रहरी प्रमुख एसपी रामेश्वर पौडेलको प्रमुख आतिथ्यतामा भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.