चितवन । भरतपुर–११ मा अवस्थित आरम्भ कलेजले त्रिभुवन विश्वविद्यालय (TU) अन्तर्गत BHM र BITM चौथो सेमेस्टर परीक्षामा उत्कृष्ट नतिजा हासिल गर्दै पुनः जिल्लामै आफ्नो शैक्षिक उत्कृष्टता प्रमाणित गरेको छ। निरन्तर उत्कृष्ट प्रदर्शन गर्दै आएको कलेजका विद्यार्थीहरूले यसपटक पनि उच्च SGPA प्राप्त गरी विभिन्न विधामा जिल्ला टपर बन्न सफल भएका हुन्।

BHM चौथो सेमेस्टरतर्फ सन्ध्या गोलेले ३.८८ SGPA प्राप्त गर्दै जिल्ला प्रथम स्थान हासिल गरेकी छन्। त्यस्तै, नेबिका मैनालीले ३.८३ SGPA सहित दोस्रो र ङवाङ बामजान तामाङले ३.८० SGPA सहित तेस्रो स्थान सुरक्षित गरेका छन्। तीनै जना विद्यार्थीको उत्कृष्ट प्रदर्शनले कलेजको शैक्षिक स्तरलाई थप मजबुत बनाएको छ।

यस्तै, BITM चौथो सेमेस्टरतर्फ ओजस्वी आचार्यले ३.८३ SGPA सहित जिल्ला प्रथम स्थान हासिल गरेकी छन्। अङ्गिता अधिकारीले ३.८१ SGPA ल्याएर दोस्रो तथा बिपल श्रेष्ठले ३.७४ SGPA सहित जिल्ला तेस्रो स्थान प्राप्त गरेका छन्। सूचना प्रविधि व्यवस्थापनतर्फ पनि विद्यार्थीहरूले उल्लेखनीय सफलता हासिल गर्दै कलेजको प्रतिष्ठा उँचो बनाएका छन्।

कलेजका प्रिन्सिपल सुरज शिवाकोटीका अनुसार अनुभवी शिक्षक, प्रयोगात्मक शिक्षण पद्धति, आधुनिक शैक्षिक पूर्वाधार र विद्यार्थीमैत्री वातावरणका कारण उत्कृष्ट नतिजा सम्भव भएको हो। उहाँले आगामी दिनमा पनि गुणस्तरीय शिक्षा प्रदान गर्दै विद्यार्थीलाई राष्ट्रिय तथा अन्तर्राष्ट्रिय स्तरमा प्रतिस्पर्धी बनाउने लक्ष्य रहेको बताउनुभयो।

होटल व्यवस्थापन र सूचना प्रविधि व्यवस्थापन क्षेत्रमा दक्ष जनशक्ति उत्पादन गर्दै आएको आरम्भ कलेजले छोटो समयमै चितवनमा गुणस्तरीय शिक्षाको विश्वासिलो गन्तव्यका रूपमा आफूलाई स्थापित गरेको छ। पछिल्ला शैक्षिक उपलब्धिहरूले कलेजको शैक्षिक गुणस्तर, व्यवस्थापन क्षमता र विद्यार्थीप्रतिको प्रतिबद्धतालाई थप पुष्टि गरेको भन्दै अभिभावक, विद्यार्थी तथा शिक्षा क्षेत्रका सरोकारवालाहरूले कलेजको प्रशंसा गरेका छन्।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै