चितवन। चितवनको भरतपुर महानगरपालिका–२७ स्थित राधाकृष्ण सामुदायिक वनको बेथरी खोलानजिक बाघको आक्रमणबाट एक जनाको मृत्यु भएको छ। निउरो टिप्न जंगल गएका स्थानीय ४६ वर्षीय भीम महतोको बाघको आक्रमणबाट ज्यान गएको हो।
प्राप्त जानकारीअनुसार २०८३ कात्तिक १७ गते दिउँसो करिब २ बजे महतो चार जना साथीहरूसँग निउरो टिप्न राधाकृष्ण सामुदायिक वन पुगेका थिए। सोही क्रममा बाघले महतोमाथि आक्रमण गरी जंगलभित्र लगेको थियो।
घटनापछि महतोसँगै गएका साथीहरूले सोही दिन साँझ ५ः४५ बजे इलाका प्रहरी कार्यालय दिव्यनगर, चितवनमा घटनाबारे जानकारी गराएका थिए।
घटनाको सूचना प्राप्त हुनासाथ नेपाल प्रहरी, चितवन राष्ट्रिय निकुञ्ज, नेपाली सेना, स्थानीय बासिन्दा तथा वनका कर्मचारीको समन्वयमा खोजीकार्य सुरु गरिएको थियो। संयुक्त टोलीले जंगल तथा निकुञ्ज आसपासका क्षेत्रमा खोजतलास गरेको थियो।
खोजीकार्यका क्रममा २०८३ कात्तिक १८ गते बिहान १०ः५५ बजे चितवन राष्ट्रिय निकुञ्जभित्र महतोको शव फेला परेको प्रहरीले जनाएको छ।
शव फेला परेको स्थाननजिकै बाघसमेत देखिएपछि प्राविधिक टोलीले डार्ट प्रविधिको प्रयोग गरी बाघलाई बेहोस बनाएर नियन्त्रणमा लिएको जनाइएको छ।
घटनापछि वन तथा निकुञ्ज आसपासका क्षेत्रमा स्थानीयवासीलाई सतर्कता अपनाउन आग्रह गरिएको छ। यस घटनाबारे सम्बन्धित निकायबाट थप अनुसन्धान भइरहेको छ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.