काठमाण्डौं । कोरोना भाइरस संक्रमणको जोखिमका कारण नौ महिनादेखि बन्द रहेको काठमाडौंको पशुपतिनाथ मन्दिर आजबाट खुल्ला भएको छ। दर्शनार्थीका लागि मन्दिर खुल्नुपूर्व हिजो राष्ट्रपति विद्यादेवी भण्डारीले क्षमा पूजा गर्नुभएको थियो। हिजो राष्ट्रपतिबाट क्षमापूजा सम्पन्न भएपछि आजबाट दर्शनार्थीहरुका लागि मन्दिर खुल्ला गरिएको हो। पहिलो चरणमा पश्चिम ढोकाबाट दर्शनार्थीहरुलाई प्रवेश गराइने र सोही ढोकाबाट बाहिरिने व्यवस्था मिलाइएको पशुपति क्षेत्र विकास कोषका सदस्यसचिव डा। प्रदीप ढकालले जानकारी दिनुभयो। उहाँका अनुसार दर्शनार्थीहरुले अनिवार्य मास्क लगाउनु पर्ने छ। दर्शनार्थीहरुका लागि मन्दिर खोलिए पनि विशेष पूजा र मन्दिरभित्र भजनकीर्तिन भने तत्काल नहुने डा। ढकालले जानकारी दिनुभयो।

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन