भरतपुर । गत वर्ष पौष १८ गते सरकार र उखु किसानहरु  विच भएको पाँच वुदे सम्झौता तुरुन्त कार्यान्यनको माग गर्दै जिल्ला प्रशासन कार्यालय चितवनमा ज्ञापन पत्र पेस गरिएको छ । माइतिघर मण्डलामा पुनः आन्दोलित भएका उखु किसानलाई समर्थन गर्दै राष्ट्रिय कृषि श्रमिक संघ नेपाल, चितवनले पत्र बुझाएको हो । ज्ञापन पत्र बुझदै जिल्ला प्रशासन कार्यालय चितवनका प्रमुख जिल्ला अधिकारी नारायण प्रसाद भट्टरार्यले  प्रधानमन्त्री कार्यालयमा छिट भन्दा छिटा पु¥याउने प्रतिवद्धता गर्नुभएको छ ।

पत्रमा उखु किसान संग सरकारले गरेको पाच वुदे सम्झौता तुरुन्त कार्यान्वयन गर्नुपर्ने, देशभर कृषि मल र विउ लगायतका सामाग्री उचित समयमानै सर्व सुलब रुपमा उपलब्ध गराउनुपर्ने, न्यूनतम मुल्यमा धानको खरिद गरि व्यवस्थापन गरियोस, किासनको सम्पूर्ण उत्पादनको उचित मूल्य निर्धारण गरियोस, सर्वसुलब कृषि ऋणको व्यवस्था, कृषि क्षेत्रमा राज्यको अनुदान  बृद्धि गर्नुपर्ने, अनुदान बास्तविक र सिमान्तकृत किसानहरुको पहुँचमा पु¥याइयोस् जस्ता माग राखिएको छ ।

राष्ट्रिय कृषि श्रमिक संघ नेपाल, चितवनका अध्यक्ष लक्ष्मीकान्त कँडेलले आफ्नो कामको रकम पाउन सडकमा उत्रीनु पर्ने दुःखद विषयका भएको बताउनुभयो । कृषि प्रधान देश भन्न पनि लाजमर्दो स्थिति सिर्जना भएको भन्दै कृषि क्षेत्र मर्यादित र उन्नत नबने देशको समृद्धिमा अंकुस लाग्नेमा जोड दिनुभयो । अध्यक्ष कँडेलले सरकारको गैरजिम्मेवारी पनले गर्दा एउटै विषयमा बारमबार सडकमा उत्रिनु परेको गुनासो गर्नुभयो ।

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन