चितवन । भरतपुर वीरेन्द्र क्याम्पस गेट अगाडि अत्याधुनिक सुविधा सम्पन्न रेष्ट्रो सञ्चालनमा आएको छ । रेष्ट्रोमा थकाली, नेवारी परम्परागत परिकार, स्वदेशी तथा विदेशी कफि, लगायत सबै प्रकारका स्वादका विशेष परिकार उपलब्ध छन् । ग्रिन लेफ क्याफे एण्ड रेष्ट्रो नाम दिईएको यस रेष्ट्रोको शुक्रबार एक कार्यक्रमको आयोजना गरि राष्ट्रिय प्रजातन्त्र पार्टी बागमति प्रदेश सदस्य ज्ञानु जङ्ग लामाले उद्घाटन गर्नभएको हो । सञ्चालन गरेको करिब २ महिना पछि आज औपचारिक रुपमा लामाको प्रमुख आतिथ्यतामा रेष्ट्रोको उद्घाटन गरिएको हो ।

सदस्य लामाले उर्जावान यूवाहरु देशमै परिचालन गर्न सकेमात्र देशले विकासको तीब्रता पाउने बताउनुभयो । उहाँले भन्नुभयो, “वर्षेनी कयौं यूवा  विदेशिने गर्छन । आफ्नो खुन पशिना बगाउछन् । उनीहरुको रेमिटान्सनले देश बन्दैन । देशमै उद्यमी बन्ने वाताबरण राज्यले बनाउनुपर्छ । उनीहरुलाई प्रोत्साहन गर्नु पर्छ ।” सदस्य लामाले यूवामा देश भित्रै केहि गर्छु भन्ने भावना आउनुपर्नेमा जोड दिनुभएको छ । नेपालमा हरेक क्षेत्रमा अवसरनै अवसर छ ।

काम ठुलो सानो हुदैन । स्रोत पहिचान गर्न सके यहि मनगे मुनाफा कमाउन सकिने उहाँको भनाई थियो । सञ्चालकलाई बधाई तथा शुभकामना दिदै यसले यूवा वर्गलाई प्रेरणा दिने काम गर्ने उहाँको भनाई थियो । यूवा व्यवसायी मन्दीप मान श्रेष्ठ, हेमंत श्रेष्ठ, जयन्द्र कर्मचार्य, सरोज तिवारीको संयूक्त प्रयासमा ग्रिन लेफ क्याफे एण्ड रेष्ट्रो सञ्चालनमा आएको हो ।

रेष्ट्रोमा आउने ग्राहकलाई अर्गानिक अनुभव दिनका लागि इन्डोर गार्डेन डेकोरेशन गरिने सञ्चालक मन्दीप मान श्रेष्ठले बताउनुभयो । उहाँले पिआरको लागि विदेश नजान आग्रह गर्नुभएको छ । उहाँले भन्नुभयो, “काम सिक्नका लागि विदेशिनुस तर, क्षमतावान भएपछि स्वदेशमै व्यवसाय सञ्चान गर्नुस ।” हाल सम्म रेष्ट्रो निर्माणमा ५० लाख भन्दा बढी खर्च भएको छ ।

रेष्ट्रो पूर्ण रुपमा फिनिसिङ् हुन अझै ३ वर्ष लाग्ने ग्रीन लेफ क्याफे एण्ड रेष्ट्रोले जानकारी दिएको छ । यहाँ जन्मदिन मनाउन, बैठक तथा अन्य प्रयोजनका लागि बुकिङ् गर्न सकिने व्यवस्था समेत गरिएको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता