सडकमा सवारी रोक्ने, पास चेक गर्ने काम ट्राफिक र जनपद प्रहरीले गरिरहेका छन् । यस्तो अवस्थामा उनीहरु सुरक्षित छन् त ?       हामीसँग व्यक्तिगत सुरक्षाका पुर्वाधारहरु चाहिँ निकै कम रहेको छ । आवश्यक स्रोत साधनको नि अभाव छ । जिल्ला ट्राफिक प्रहरी कार्यालयसँग आफैमा कुनै किसिमको बजेट हुदैन । बजेट संचालन गर्ने निकायमा जिल्ला ट्राफिक प्रहरी कार्यालय पर्दैन त्यसकारणले गर्दा पनि ट्राफिक प्रहरीलाई अतिआवश्यक दैनिक काममा खटिँदा प्रयोग गर्नु पर्ने अतिआवश्यक माक्स, सेनिटाईजर, पन्जाहरु लगायतका स्रोत साधनको अभाव छ। तथापी जिल्लामा क्रियाशील रहेका सामाजिक संघसंस्थाले सहयोग गरिरहेका छन्। अरुले गरेको सहयोग पर्याप्त छैन। आवश्यक यस्ता उपकरणहरु, स्रोत साधनको लागि माथिल्लो निकायसँग पनि लेखापडी गरेका छौँ ।

पासको दुरुपयोग गर्नेमाथि जिल्ला ट्राफिक प्रहरीले कस्तो कार्वाही गरेको छ ?
पासको दुरुपयोग गर्ने मानिसहरु पनि छन् । एउटा उद्देश्यको लागि पास लिगेर आर्को उद्देश्यको लागि प्रयोग भईरहेका छन्। जिल्ला ट्राफिक प्रहरी कार्यालयले त्यस्ता सवारीसाधनलाई त्यहि समयमा चेकपोस्टमा नै नियन्त्रणमा लिगेर लकडाउन अवधिभर कार्यालयको नियन्त्रणमा राखिने छ । लकडाउन खुले पछि मात्र दिने गरि सुरक्षित रुपमा हामीले नै राखेका छौं । पास बिना अनावश्यक रुपमा सडकमा हिडेका सवारीसाधनलाई दैनिक रुपमा २ सयको संख्यामा सवारीसाधनलाई नियन्त्रणमा लिएर कार्वाही गरि रहेका छौं ।

अन्त्यमा सोध्न छुटेको र भन्न चाहेको कुरा ?
अन्त्यमा विशेषगरी यो लकडाउन लम्बि रहेको अवस्थामा आम सर्वसाधारणहरुलाई नेपालमा यो कोरोनाको संक्रमण कम नै देखिएको छ । यो खुसीको कुरा हो। तर हामी सुरक्षित भने छैनौं । सुरक्षित छौं भन्दै सडकमा हिडडुल नगर्न आग्रह गर्दछु । यसले आगमी दिनमा सबैलाई थप संक्रमण निम्ताउन सक्छ। लकडाउन आमसर्वसाधरणको स्वास्थ्यको हितको लागि गरिएको हो भन्ने बुझ्न आवश्यक छ । त्यसलाई प्रभावकारी हिसाबले कार्यान्वयन गर्ने शिलशीलामा ट्राफिक प्रहरी, प्रहरीहरु सडकमा खटिएका छन् । त्यो आमसर्वसाधारणको सुरक्षाको लागि खटिएको भनेर बुझदिन अनुरोध गर्दछु । विश्व कोरोना भाइरससँग युद्ध जसरी लडिरहेको छ हामी पनि लडिरहेका छौं ।