देवचुली ।  देवचुली नगरपालिकामा रहेको प्रगतिनगर खानेपानी तथा सरसफाई उपभोक्ता संस्थाको अध्यक्षमा खिमानन्द भुसाल पुन: निर्वाचित भएका छन् । खानेपानी संस्थाको आठौं अधिवेशन अन्तर्गत भएको निर्वाचनमा नेकपा एमालेका उम्मेदवार भुसालले नेपाली काङ्ग्रेस, नेकपा माओबादी केन्द्र, नेकपा एकीकृत समाजवादी र जनता समाजवादी पार्टीको संयुक्त गठबन्धनका उम्मेदवार नारायणप्रसाद पौडेललाई पराजित गरेका हुन् ।

भुसालले कुल ५ सय ५९ मतान्तरले पौडेललाई पराजित गरेका हुन्। भुसालले २ हजार ४ मत प्राप्त गर्दा पौडेलले १ हजार ४ सय ४५ मत प्राप्त गरे। यसैगरि सचिव पदमा संयुक्त गठबन्धनका इन्द्रमणी भुसालले नतिजा आफ्नो पक्षमा पारे । उनउले कुल १ हजार ६ सय ९९ मत ल्याई आफ्ना निकटतम प्रतिद्वन्द्वी सूर्यप्रसाद न्यौपानेलाई २१ मतान्तरले हराए । सचिवका उम्मेदवार दवाडीले १ हजार ६ सय ७८ मत ल्याए । लेखा समिती संयोजकमा रत्ना भुसाल १ हजार ८ सय ६ मतका साथ बिजयी भईन ।

उनका निकटतम लिलाधर अधिकारी १ हजार ५ सय ५३ मत ल्याए । लेखा महिला सदस्य पदमा गीताकुमारी रिजाल न्यौपाने बिजयी भइन । उनले १ हजार ७ सय ६८ मत ल्याउँदा अर्का उम्मेदवार सरस्वती चापागाईंले १ हजार ५ सय ९५ मत ल्याए। अर्का लेखा शंकरबहादुर नेपालीले १ हजार ६ सय मत प्राप्त गरे।

यसैगरि खानेपानी संस्थाको ब्लक नं १ मा सीतादेवी पान्डे(२२१) लाई हराउँदै लक्ष्मी तिवारी( ३२७) मत ल्याएर बिजयी भइन। ब्लक २ मा रमा भट्ट दवाडीले (६९) मत ल्याउँदा टोपबहादुर न्यौपानेले २ सय ७८ मत ल्याएर निर्वाचित भए। यसैगरी ब्लक ३ मा चन्द्रकान्त भुसाल(१९५)लाई हराउँदै नन्दुलाल धिताल(३२९), ब्लक ४ मा दुर्गाकुमारी रेग्मी(१९८) लाई हराउँदै दीना पराजुली(२२९),ब्लक मं ५ मा सागर भण्डारी(९५)लाई हराउँदै गुणा भण्डारी(१५४), ब्लक ६ मा लिलाबल्लभ भुसाल(७१) लाई हराउँदै ओमप्रसाद सारु(१६३) मत ल्याएर बिजयी भए ।

खानेपानी संस्थाको ब्लक नं ७ मा कृष्णा ढकाल(१८५) लाई हराउँदै दुर्गादेवी विष्ट( १९६), ब्लक ८ मा रामबहादुर गुरुङ्ग(१५६) लाई हराउँदै कृष्णकुमार श्रेष्ठ (१९७) र ब्लक ९ मा जसबहादुर लुंगेली (१३६) लाई हराउँदै जसबिर पुलामी(१७०) मत ल्याएर खानेपानीको कार्यसमितिमा निर्वाचित भए।

खानेपानी संस्थाको निर्वाचन पौष १९ गते बिहान ८ बजेबाट अपराह्न ४ बजेसम्म चलेको थियो । खानेपानी संस्थामा कुल ३ हजार ५ सय ४९ अर्थात् ७०.३२ प्रतिशत मत खसेको निर्वाचन समितिका संयोजक जीवलाल श्रेष्ठले बताउनुभयो।

बिहीबारदेखि देशका विभिन्न क्षेत्रमा वर्षा हुने

विदेशी फूलको आयात रोक्न किसानको माग

अर्को साता वर्षाको सम्भावना, अहिल्यै त्रसित नहुन मौसमविद्को आग्रह