चितवन। नेपाली कांग्रेस चितवनको अधिवेशन सर्दा अचम्म मान्नुपर्ने अवस्था अब रहेन । अधिवेशनको मिति पटकपटक सरिरहेको छ । अधिवेशनको मिति मुखमा आइरहँदा फेरि कांग्रेस चितवनको अधिवेशनको मिति सरेको छ । फागुन १३ गते हुने भनिएको चितवन कांग्रेसको अधिवेशन फागुन १५ गते पुगेको छ ।

चितवनको मात्र होइन, १६ जिल्लाको अधिवेशन फागुन १५ गते हुने भएको छ । सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, सिन्धुपाल्चोक, चितवन, मकवानपुर, नवलपुर, बाँके, अछाम र कैलालीको जिल्ला अधिवेशन फागुन १३ गते हुने भनिएको थियो । यी जिल्लाहरुमा अब फागुन १५ गते अधिवेशन हुने भनिएको छ ।

कांग्रेसको अधिवेशन पटकपटक सर्दा कार्यकर्तामा अन्यौल छाएको छ । किन अधिवेशन सरिरहेको छ भन्ने विषयमा कांग्रेस बोलेको छैन । सचिव केशव रिजालका अनुसार विशेष कारणले कांग्रेसको केन्द्रीय निर्वाचन समितिले यसअघि फागुन १३ गते निर्धारण गरेको चितवनको अधिवेशन दुई दिनपछि सारिएको हो ।

चितवनमा बाघको आक्रमणबाट ४६ वर्षीय भीम महतोको मृत्यु, बाघ नियन्त्रणमा

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन