चितवन । चितवनमा फागुन १३ गतेदेखि सुरु हुने कृषि सम्बन्धी बृहत अन्तर्राष्ट्रिय प्रर्दशनीमा होटल तथा रेष्टुँरामा प्रयोग हुने मेसिनहरुको छुट्टै स्टल रहने भएको छ । चितवन अन्तराष्ट्रिय औद्योगिक प्रदर्शनी परिसरमा हुने प्रदर्शनीमा होटल, रेष्टुँरामा आवश्यक मेसिन प्रदर्शनीका लागि छुट्टै परिसरको व्यवस्था गरिएको छ । सो परिसरमा फुड र वेवरेजका ५० वटा स्टल रहनेछन् ।

ति स्टलहरुमा ५० वटा कम्पनीले होटल तथा रेष्टुँरामा फुड र वेवरेजका लागि प्रयोग हुने मेसिनहरु प्रदर्शनी गर्ने आयोजक मिडिया स्पेसका प्रवन्ध निर्देशक श्रीजल भट्टराईले जानकारी दिए । ति कम्पनीहरुले नयाँ नयाँ मेसिन बारे परामर्श समेत दिने भट्टराईले बताए । यि बाहेक अन्य एक सय वटा स्टल कृषि सम्बन्धी यन्त्रका हुनेछन् ।

प्रर्दशनीमा देशभरबाट उद्यमी अनुसन्धानकर्ता, विद्यार्थी, संघ संस्थाका प्रतिनिधि लगायत कृषकहरुले आधुनिक प्रविधिहरुको अनुसरण र आवश्यक परामर्श दिने उनले बताए । प्रदर्शनीमा कृषि कर्मसँग होटल तथा रेष्टुँरा व्यवसायलाई सहज र किफायती बनाउन मद्दत पु¥याउने स-साना औजार, डेरी मेशिनरी तथा पशुपंक्षीपालन उद्योगमा प्रयोग हुने ठू-ठूला उपकरणहरु प्रदर्शन गरिने उनले बताए । नेपालको कृषि क्षेत्रको यान्त्रीकीकरणमा सहयोग पु¥याउन प्रदर्शनी कोशे ढुंगा सावित हुने उनको विश्वास छ ।

प्रर्दशनीबाट नेपालको कृषि क्षेत्रलाई उपयुक्त हुने प्रविधि तथा सेवाहरुको पहिचान गर्न मद्दत मिल्ने र तीनको प्रयोगले उत्पादन वृद्धि भई मुलुकलाई आत्मनिर्भर बन्न टेवा पुग्ने विश्वास गरिएको उनले बताए । १५ गतेसम्म सञ्चालन हुने प्रदर्शनीको सबै स्टल बुकिङ भइसकेका छन् ।

चितवनमा बाघको आक्रमणबाट ४६ वर्षीय भीम महतोको मृत्यु, बाघ नियन्त्रणमा

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन