चितवन । पूर्वि चितवनको भण्डारा दुग्ध सहकारीमा संचालक समितिले अनियमितता गरेको भन्दै कृषकले विरोध गरेका छन् । संस्थामा  ब्यापक भष्ट्राचार भएको भन्दै कृषकले विरोध गरेपनि साधारण सभा नै स्थगित भएको छ । दुग्ध सहकारीले दुध विक्रिमा घोटला गरेको उपभोक्ताको आरोप छ । राप्ती नगरपालिका ५ स्थित उक्त डेरीमा घोटला भएको भन्दै किसानले छानविनको माग गरेका छन् ।

एकलौटी ढंगबाट साधारण सभा गर्न थालेपछि कार्यक्रममै खैलाबैला भएको थियो । शनिवारको साधारण सभाको बन्दसत्र अनिश्चित बनेको छ । शनिवार आयोजित २४ औं साधारण सभा समेत विथोलिएको छ । अध्यक्ष दिल्ली प्रसाद थपलियाले किसानको हित विपरित काम गरेको किसानको आरोप छ । दुई लाखको ब्ल्याङ्क चेकमा हस्ताक्षर गराइएको भन्दै लेखापरिक्षण गरिएको प्रति विरोध भएको छ ।

त्यस्तै सहकारीबाट दैनिक पच्पन्न लिटर दुधको हिसाब नदेखिएको , गुणस्तरहिन दाना दिएको गुनासो छ । साधारण सभामा पेश गरिएको लेखा प्रतिवेदन अपुरो भएको सेयर सदस्य सदिप ओलीले बताए । राप्ती नगरपालिकाका प्रमुख प्रभा बराल र उपप्रमुख इमानसिंह लामाले मन्तब्य दिने क्रममा संचालकको ढाकछोप गरेपछि हलका सहभागीले विरोध गरेका थिए ।

समितिले हेपाहा शैलीमा काम गरेको भन्दै विरोध भएको थियो । अध्यक्ष थपलियाले भने समान्य विमती रहेको भन्दै बसेर टुङ्ग्याउने बताए । संचालक भित्रबाटै कुरा उठेको भन्दै सहमति गराउने उनको भनाई थियो ।

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन

चितवनमा ६ लाखभन्दा बढी मूल्यका पटाका बरामद, दुई जना पक्राउ