नवनिर्वाचित समितिका अध्यक्षलाई निर्वाचन मण्डलका संयोजक चितवन उद्योग संघका कार्यकारी निर्देशक गणेशप्रसाद सिलवालले र अन्य पदाधिकारी एवम् सदस्यहरुलाई नवनिर्वाचित अध्यक्षले सपथ ग्रहण गराउनु भएको थियो । चितवन उद्योग संघका कार्यकारी निर्देशक गणेशप्रसाद सिलवाल प्रमुख निर्वाचन अधिकृत रहनुभएको निर्वाचन मण्डलको सदस्यहरुमा चितवन उद्योग संघ प्रशासकीय अधिकृत गोविन्द प्रसाद पौडेल र सञ्चार अधिकृत राज भट्ट रहनुभएको थियो । तेश्रो साधारणसभा एवम् दोश्रो अधिवेशनलाई नवनिर्वाचित अध्यक्ष तारा बहादुर कार्कीबाट प्रतिवद्धता मन्तव्य सहित कार्यक्रमको समापन गर्नुभएको थियो ।

यसअघि चितवन मेटल इन्जिनियरिङ्ग एण्ड फेब्रिकेशन उद्योग समिति बन्द सत्र कार्यक्रम सम्पन्न भयो । चितवन मेटल इन्जिनियरि· एण्ड फेब्रिकेशन उद्योग समितिका अध्यक्ष ताराबहादुर कार्कीको सभापतित्वमा सम्पन्न कार्यक्रममा चितवन मेटल इन्जिनियरि· एण्ड फेब्रिकेशन उद्योग समितिका सल्लाहकार तारा प्रसाद पौडेल प्रमुख अतिथि रहनुभएको थियो ।

प्रमुख अतिथि पौडेलले मेटल उद्यमीहरुलाई सरकारले अन्य उद्यमीहरुलाई प्रदान गर्ने सहुलियत, छुट लगायतका विषयमा सम्बोधन गरिनुपर्ने बताउनुभयो । उहाँले भन्नुभयो–मेटल उद्योगमा कार्यरत कर्मचारीहरुको सुरक्षासँगै स्तरउन्नति गर्न सकियो भने मेटल उद्यमीको भविष्य उज्ज्वल रहेको समेत बताउनुभयो ।

चितवन मेटल इन्जिनियरि· एण्ड फेब्रिकेशन उद्योग समितिका उपाध्यक्ष मोहनलाल श्रेष्ठले स्वागत मन्तव्य सहित समितिको पृष्ठभूमी माथि प्रकाश पार्नुभएको कार्यक्रममा चितवन मेटल इन्जिनियरि· एण्ड फेब्रिकेशन उद्योग समितिका द्धितीय उपाध्यक्ष कृष्णप्रसाद भण्डारीले विवाद समाधान समितिको प्रतिवेदन, समितिका सचिव राजु पुडासैनीले बार्षिक प्रगति प्रतिवेदन र कोषाध्यक्ष राज कुमार श्रेष्ठले आर्थिक प्रतिवेदन प्रस्तुत गर्नुभएको थियो ।

कार्यक्रममा सम्पर्क एवम् समन्वय समिति रत्ननगरको माघ २९ गते सम्पन्न प्रथम अधिवेशन र माडीको फागुन १० गते सम्पन्न प्रथम भेलाबाट निर्वाचित पदाधिकारी एवम् कार्यसमिति सदस्यहरुलाई प्रमाण पत्रद्वारा सम्मान गरिएको थियो । साधारणसभाले शान्ता न्यौपाने, अनन्त वाग्ले, राजन पौडेललाई माईन्युट प्रमाणित गर्ने अख्तियारी प्रदान गरिएको थियो ।

कार्यक्रममा चितवन मेटल इन्जिनियरि· एण्ड फेब्रिकेशन उद्योग समितिका सल्लाहकारहरु मेहरमान श्रेष्ठ, गोविन्द प्रसाद खनाल, बेलबहादुर कार्कीले शुभकामना मन्तव्य राख्नुभएको थियो ।  चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको बन्द सत्र कार्यक्रमलाई चितवन मेटल इन्जिनियरि· एण्ड फेब्रिकेशन उद्योग समितिका अध्यक्ष ताराबहादुर कार्कीले धन्यवाद मन्तव्य सहित समापन गर्नुभएको थियो ।