चितवन । पाँचौ राष्ट्रिय कृषि यान्त्रीक प्रदर्शनी चितवनमा हुने भएको छ । चितवन अन्तराष्ट्रिय औद्योगिक प्रदर्शनी परिसरमा चैत्र ९ देखि १२ गते सम्म कृषि यान्त्रीक प्रदर्शनी हुने भएको हो । नेपाल कृषि मेसिनेरी व्यवसायी संघको आयोजनामा प्रदर्शनी हुन लागेको हो । कृषि कर्जा मेला र मेड इन नेपालको स्टल प्रदर्शनीको मुख्य आकर्षणको रुपमा रहने संघका अध्यक्ष खोजराज कटुवालले जानकारी दिए ।

कृषि कर्जा विश्वमा नै दोस्रो पटक तथा एसियामा नै पहिलो पटक हुन लागेको कटुवालले बताए । प्रदर्शनी कृषि यन्त्रमा बढी केन्द्रित हुने उनले बताए । एक सय ५० भन्दा बढी स्टलहरु रहनेछ । प्रदर्शनीमा नेपालमा उत्पादित सबै कृषि यन्त्र तथा मेसीनरी सामाग्रीहरु राखिने छ । उनका अनुसार विश्वको कृषिमा प्रयोग हुँदै आएका यन्त्रहरु समेत राखिनेछ ।

नेपालमा नै उत्पपादन हुने कृषि यन्त्रहरु लोप हुँदै गएकोले यो प्रदर्शनीले त्यस्ता यन्त्र तथा औजार प्रवर्द्धनमा सहयोग मिल्ने उनको भनाइ थियो । पहिलो पटक प्रदर्शनीमा मेड इन नेपालको छुट्टै परिसरको व्यवस्था गरिएको उनले जानकारी दिए । यस्तै सरकारले कृषि कर्जाका लागि कस्ता नीती अख्तियार गरेर अघि बढ्नुपर्छ भन्ने बिषयमा पनि छलफल हुने आर एण्ड डि इनोभेटिभ सोलुसनकी सिईओ सुनिता नेमाफुकीले बताईन् ।

प्रदर्शनीको कृषि कर्जामा सहभागी हुनका लागि बिभिन्न १० वटा बैंकबाट सिईओहरु उपस्थित हुने समेत उनले जानकारी दिईन् ।

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन

चितवनमा ६ लाखभन्दा बढी मूल्यका पटाका बरामद, दुई जना पक्राउ