चितवन । नेपाली काँग्रेस बागमती प्रदेश सभापति इन्द्र बहादुर बानियाले आफ्नो पार्टी गाँजर भएको बताउनुभएको छ । गाँजर बाहिरपनि रातै र भित्रपनि सोही रङको हुने बताउँदै काँग्रेसपनि बाहिर जे भन्छ सोही कार्य गर्ने पार्टी भएको बताउनुभयो । तर कम्युनिष्टहरु खरबुजा भएको भन्दै बाहिर अर्कै र भित्र अर्कै गतिविधि गर्नेहरुसँग सचेत हुनुपर्नेमा जोड दिनुभयो ।

काँग्रेस जनतासँग झुठ नवोल्ने बताउनुभयो। तर कम्युनिष्टहरु भने खरबुजा जस्तो बाहिर अर्कै भित्र अर्कै रङ भएजस्तै व्यवहार गर्ने उहाँको भनाई थियो । प्रजातन्त्रवादी चिकित्सक संघ नेपालको पदस्थापना कार्यक्रममा बोल्दै प्रमुख अतिथि बानियाले काँग्रेसले बनाउने स्वास्थ्य नीति सेवामुखि हुनुपर्ने बताउनुभयो । बागमती प्रदेशमा काँग्रेसले नेतृत्व गर्ने अवसर आए उपचारको अभावमा जनता मर्नुपर्ने अवस्थाको अन्त्य गर्ने समेत उहाँको भनाई थियो ।

काँग्रेस निकट चिकित्सकहरु सामाजिक सेवामा समर्पित हुन निर्देशन दिँदै उहाँले गरिव जनतालाई सहजै सेवा दिनुपर्नेमा जोड दिनुभयो । साथै काँग्रेस नेतृत्वको सरकार आउनासाथ बागमती प्रदेश मातहतका चिकित्सकको निःशुल्क उपचार हुनेगरी व्यवस्था गर्ने बानियाले बताउनुभयो । कार्यक्रममा बोल्दै प्रजातन्त्रवादी चिकित्सक संघका केन्द्रीय अध्यक्ष डा. अनिल विक्रम कार्कीले राज्यले दिने सेवासुविधाको कमीले दक्ष चिकित्सकहरु पलायन भइरहेको भन्दै चाँडै लोकसेवा जस्तै चिकित्सा सेवा आयोग बनाउन माग गर्नुभयो ।

अहिलेका निजामती कर्मचारीको लापार्वाहीले नेपालका चिकित्सकहरुले दुख पाइरहेको उहाँको भनाई थियो । यस अघिको कार्यक्रमबाट डा. मनोर दिन सैयदको अध्यक्षतामा ३५ सदस्यीय बागमती प्रदेश कार्यसमिति गठन गरिएको थियो । जसको उपाध्यक्षमा डा.शुसिल अधिकारी,महासचिवमा डा.प्रविण बहादुर बस्नेत,सचिवमा डा. अञ्जन सिँह कार्की, कोषाध्यक्षमा डा. गोविन्द कडेँल, सहकोषाध्यक्षमा डा. रोशिना थापा रहेका छन् । त्यस्तै जिल्ला संयोजकहरुमा चितवनमा डा. शकर लौडारी, मकवानपुरमा डा. प्रमोद चौरासीया,काठमाण्डौमा डा. तीर्थराज भण्डारी, भक्तपुरमा डा. राजेन्द्र प्रजापति, दोलखामा डा. प्रदिप न्यौपाने, रामेछापमा डा.श्रवण कुमार थापालाई चयन गरिएको छ ।

कार्यक्रममा अध्यक्ष डा. मनोर दिन सैयदले चिकित्सकलाई हातपात गर्नेलाई विना धरौटी सिधै जेल हाल्ने कानुन बनाउनुपर्ने र कार्यक्षेत्र असुरक्षित हुँदासम्म संघले विभिन्न आन्दोलन गरिरहने बताउनुभयो । साथै केही ऐन नियमहरु शंसोधन गर्नुपर्ने बताउँदै चिकित्सकहरुको पेशागत हित अधिकारका लागि संघ लडिरहने बताउनुभयो । कार्यक्रममा भुमि सुधार तथा सहकारी मन्त्री बलराम पौडेल, उद्योगा वाणिज्य तथा आपूर्ति मन्त्री मिलनबाबु श्रेष्ठ लगायतको उपस्थिती थियो ।

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन

चितवनमा ६ लाखभन्दा बढी मूल्यका पटाका बरामद, दुई जना पक्राउ