☰

भर्खरै

लोकप्रिय समाचार

नवलपुरमा २ लाख ५४ हजार ६१५ मतदाता कायम

  •   सोमबार, चैत १४, २०७८ मा प्रकाशित
    • अ
    • अ
    • अ

    नवलपुर । निर्वाचन आयोगले आगामी स्थानीय निर्वाचन २०७९ का लागि अन्तिम मतदाता संख्या र केन्द्र सार्वजनिक गरेको छ । आयोगले हिजो सो विवरण सार्वजनि गरेको हो। जसअनुसार नवलपुर जिल्लामा २ लाख ५४ हजार ६१५ जना मतदाताले भोट हाल्न पाउने भएका छन् । जसमा १ लाख ३३ हजार ५७३ जना महिला र १ लाख २१ हजार ३८ जना पुरुष रहेका छन् । ४ जना अन्य लिङ्गीका मतदाता समेत नवलपुरमा रहेका छन् । आयोगले यस जिल्लामा ११३ वटा मतदान स्थल र २९९ वटा मतदान केन्द्र रहनेगरी टुंगो लगाएको छ ।

    जिल्लाको कुल आठ स्थानीय तहमध्ये सवैभन्दा धेरै मतदाता कावासोती नगरपालिकामा रहेका छन् । जहाँ ५५ हजार ३३० जनामा २९ हजार ४३९ महिला र २५ हजार ८८९ पुरुष रहेका छन् । २ जना अन्य लिङ्गी समेत रहेको यहाँ २१ मतदानस्थल र ६४ वटा केन्द्र तोकिएको छ । दोस्रो धेरै मतदाता रहेको स्थानीय तह गैँडाकोट नगरपालिका रहेको छ । यहाँ ४७ हजार ७१५ मतदाता छन् । जहाँ २५ हजार ७९ महिला र २२ हजार ६३६ पुरुष मतदाता छन् । २१ वटा मतदान स्थल र ५५ वटा मतदान केन्द्र तोकिएको छ ।

    मध्यविन्दु नगरपालिकामा ४४ हजार ९६४ मतदातामा २३ हजार ८९९ महिला र २१ हजार ६३ पुरुष रहेका छन् । २ जना अन्य लिङ्गी समेत रहेका यहाँ २० वटा मतदान स्थल र ५२ वटा मदतान केन्द्र तोकिएको छ । देवचुली नगरपालिकामा ३६ हजार ८६९ मतदाता रहेकोमा १९ हजार ४६८ महिला र १७ हजार ४०१ पुरुष रहेका छन् । मतहाल्न यहाँ १९ वटा मतदानस्थल र ४६ वटा मतदान केन्द्र तोकिएको छ । विनयी त्रिवेणी गाउँपालिकामा १३ हजार ८६७ महिला र १२ हजार ७६६ पुरुष गरी कुल २६ हजार ६३३ जना मतदाता रहेका छन् ।

    यहाँ ११ वटा मतदानस्थल र ३० वटा मतदानस्थल तोकिएको छ । हुप्सेकोट गाउँपालिकामा १९ हजार १०६ जना कुल मतदातामा ९ हजार ९४० महिला र ९ हजार १६६ पुरुष मतदाता छन् । ९ वटा मतदानस्थल र २३ वटा मतदान केन्द्र तोकिएको छ । बुलिङटार गाउँपालिकामा १२ हजार ५०१ कुल मतदातामा ६ हजार १६७ महिला र ६ हजार ३३४ पुरुष रहेका छन् । ६ वटा मतदानस्थल र १६ वटा केन्द्र कायम भएका छन् । बौदीकाली गाउँपालिकामा कुल मतदाता ११ हजार ४९७ जना रहेकोमा ५ हजार ७१४ जना महिला र ५ हजार ७८३ जना पुरुष रहेका छन् ।

    यहाँ ६ वटा मतदानस्थल र १३ वटा मतदान केन्द्र कायम गरिएको छ । देशैभर एकसाथ हुने निर्वाचनमा कुल १ करोड ७७ लाख ३३ हजार ७ सय २३ मतदाता छन् । यो संख्या पाँच वर्ष पछि ३६ लाख ५९ हजार दुई सय ९९ सयले बढेको हा । २०७४ को स्थानीय निर्वाचनमा एक करोड ४० लाख ७४ हजार चार सय २४ मतदाता थिए ।

    २०७४ सालकै प्रतिनिधिसभा र प्रदेशसभा निर्वाचनमा मतदाता संख्या एक करोड ५४ लाख थियो । २०७४ सालमा प्रतिनिधिसभा र प्रदेश सभाको निर्वाचनको आधारमा भने २३ लाख मतदाता बढेका छन् । देशभर २१ हजार ९५५ वटा मतदात केन्द्र तोकिएको छ । निर्वाचन आयोगले १० हजार ७५६ मतदान स्थलमा २१ हजार ९५५ वटा मतदात केन्द्र रहने जनाएको हो । एउटा मतदान स्थलमा एक भन्दा बढी केन्द्र पनि रहने छन् ।

    सबैभन्दा धेरै मधेस प्रदेशमा ४ हजार १८९ मतदान केन्द्र रहने जनाएको छ । यस्तै सवैभन्दा कम कर्णाली प्रदेशमा १ हजार ३८५ वटा मतदान केन्द्र रहने छन् ।

    लोकप्रिय

    भर्खरै