चितवन । भरतपुर महानगरपालिका वडा नम्बर-२ मा नेकपा एमालेले आसन्न स्थानीय तहको निर्वाचनमा वडा अध्यक्ष पदमा कृष्ण केसीलाई अघि सार्ने भएको छ । एमाले वडा नम्बर २ को कमिटीले केसीलाई अध्यक्षको उम्मेदवारमा सर्वसम्मत चयन गरेको हो ।

एमाले वडा कमिटीका अध्यक्ष लक्ष्मण सुवेदीले केसीलाई पार्टीको तर्फबाट उम्मेदवार बनाइएको भन्दै आगामी निर्वाचनमा अध्यधिक मतका निर्वाचित हुने दाबी गरे । विसं २०३६ सालमा विद्यार्थी जीवनदेखि राजनीति सुरु गरेका केसी पछि नेपाली सेनामा जागिरको लागि प्रवेश गरेका थिए ।

सेनाबाट सुवेदार पदमा सेवा निवृत्त भएपछि केसीले २०६१ सालदेखि भरतपुर महानगरपालिका–२ वडामा राजनीति र समाजसेवामा सक्रिय रहँदै आएका छन् । केसी वडावासी माझ लाेकप्रिय मानिन्छन् । ५७ वर्षीय केसी नारायणगढ क्षेत्रपुरका स्थायी बासिन्दा हुन् । दुई पटक वडा कमिटी अध्यक्ष, जिल्ला कमिटी सदस्य हुँदै अहिले वडाको इन्चार्जको रुपमा केसीले एमालेमा काम गर्दै आएका छन् ।

गत स्थानीय निर्वाचनमा एमालेले यस वडामा सबै सिट जितेको थियो ।

चितवनमा बाघको आक्रमणबाट ४६ वर्षीय भीम महतोको मृत्यु, बाघ नियन्त्रणमा

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन