☰

भर्खरै

लोकप्रिय समाचार

३५ किलो गाँजासहित चितवनको राप्ती नगरपालिकाका ५ जना पक्राउ

  •   आइतबार, चैत २७, २०७८ मा प्रकाशित
    • अ
    • अ
    • अ

    हेटौंडा । मकवानपुर प्रहरीले लागूऔषध गाँजासहित ५ जनालाई पक्राउ गरेको छ । प्रहरीले जिल्लाको मनहरी गाउँपालिका वडा नम्वर ६ स्थित पूर्वपश्चिम लोगमार्ग सडकखण्डबाट ३५ किलो गाँजासहित ५ जनालाई पक्राउ गरेको जिल्ला प्रहरी कार्यालय मकवानपुर प्रहरी निरीक्षक देवेन्द्र दासले जानकारी दिए ।

    पक्राउ पर्नेमा जिल्ला चितवनको राप्ती नगरपालिका वडा नम्वर १ बस्ने १९ वर्षीय सरोज तामाङ, राप्ती नगरपालिका–११ बस्ने २५ वर्षीय सुर्यबहादुर स्याङबो, २८ वर्षीय होमनाथ मुक्तान, २५ वर्षीय यमराज मुक्तान र ३४ वर्षीय एबीलाल तामाङ रहेका छन् । उनीहरुलाई विशेष सूचनाको आधारमा ईलाका प्रहरी कार्यालय मनहरीबाट प्रहरी निरीक्षक प्रकाश थापाको कमाण्डमा खटिएको प्रहरी टोलीले पक्राउ गरेको प्रहरी निरीक्षक दासले बताए ।

    प्रहरी निरीक्षक दासका अनुसार, आज (आइतबार) चितवनबाट हेटौंडातर्फ आउँदै गरेको बा ८ ख ८१०६ नम्वरको यात्रुवाहक बसलाई रोकी चेकजाँच गर्दा सो बसको पछाडिको सिटमा सवार उनीहरुको बोकेको झोलामा लुकाई छिपाई ल्याएको उक्त परिमाणको गाँजा बरामद भएपछि निजहरुलाई पक्राउ गरेको हो । पक्राउ गरेका उनीहरुमाथि आवश्यक अनुसन्धानका साथै कानूनी प्रकृया अगाडि बढाइएको जनाएको छ ।

    लोकप्रिय

    भर्खरै