चितवन । पार्टीले टिकट नदिएपछि चितवनकाे कालिका नगरपालिका वडा नम्बर २ काे वडा अध्यक्ष पदमा राजकुमार अधिकारीले स्वतन्त्रबाट उम्मेदवारी दर्ता गराउनुभएकाे छ । नेपाली कांग्रेसकाे चर्चित सक्रिय सदस्य भएपनि पार्टिले आफ्नाे याेगदानकाे कदर नगरेकाे तर यस वडाका जनताकाे माग आफूलाई वडा अध्यक्षमा रहेर सेवा गर्न आह्वान भएकाले वडा अध्यक्षमा उम्मेदवारी दर्ता गराएकाे उहाँको भनाइ छ ।

उहाँले सोमवार कालिका नगरपालिकामा रहेकाे निर्वाचन कार्यालय पुगी उम्मेदवारी दिनुभएको हाे । आफू दिनरात खटिएर कांग्रेसकाे संगठन बलियाे बनाउंदै जांदा पनि मूल्यांकन नहुंदा निकै दुखित भएकाे भन्दै अधिकारीले वडानम्बर २ का जनताकाे भावना अनुसार उम्मेदवारी दिएकाे भन्दै चुनाव जित्ने उहाँको दाबी छ ।

दुई दशक बढी आफू राजनीतिमा लागेकाे भन्दै अधिकारीले कम्युनिस्टकाे गढ जस्तै मानिने वडा नम्बर २ मा कांग्रेसकाे संगठन आगामी जुनसुकै चुनावमा पनि जित्नेगरी बनाएकाे तर पार्टीले त्यसकाे ख्याल नगरी आफूलाई वास्ता नगरेर अन्यलाई टिकट दिएपछि स्वतन्त्रबाट उम्मेदवारी दर्ता गराएकाे उहाँको भनाई छ ।

उहाले भन्नुभयाे, “कम्युनिष्टकाे ठाउँमा कांग्रेसकाे माहाेल राम्रो बनाएकाे थिए । यस पटक चुनाव जितिन्छ भन्ने ठूलाे आशा थियाे तर संगठनले पछि हट्न वाध्य बनायाे । तर जनताकाे भावना अनुसार म वडा अध्यक्षमा उठेकाे छु । जिताउनु हुनेछ भन्नेमा विश्वस्त छु । “

नेपाली कांग्रेस चितवन क्षेत्र नं. २(क) मा नवनिर्वाचित पदाधिकारीलाई पद हस्तान्तरण

बीपी कोइराला मेमोरियल क्यान्सर अस्पतालमा चिकित्सकको माग

प्रधानमन्त्री राहत कोषमा मौज्दात १८ अर्ब ३७ करोड नाघ्यो