☰

भर्खरै

लोकप्रिय समाचार

रत्ननगर– १३ मा एमालेको घरदैलो

  •   मङ्गलबार, बैशाख २०, २०७९ मा प्रकाशित
    • अ
    • अ
    • अ

    रत्ननगर । नेकपा एमाले रत्ननगर वडा नं. १३ ले घरदैलो गरेको छ । घरदैलोसँगै आयोजना गरिएको कोणसभामा बोल्दै एमालेबाट रत्ननगरका मेयर उम्मेदवार विमला दुवाडीले बेरोजगारी समस्या, महिला तथा युवाको समस्या समाधान गर्ने प्रतिबद्धता व्यक्त गर्नुभयो ।

    उहाँले भन्नुभयो, ‘महिलाका समस्याहरु धेरै भएकाले महिलाको पाठेघर, स्तनक्यान्सर जस्ताको स्वास्थ्य जाँच ६÷६ महिनामा वडाका विभिन्न स्थानमा शिविर राखी परीक्षण गर्नेछु ।’ उपमेयर पदका उम्मेदवार यादवप्रसाद पाठकले रत्ननगर नगरपालिकाको तर्फबाट बिना ब्याज ऋण उपलब्ध गराई व्यापार व्यवसाय गर्न दिइने बताउनुभयो । जग्गा नभएकालाई निःशुल्क जग्गा उपलब्ध गराई खेतीपाति गर्न दिइने पाठकको भनाइ थियो ।

    एमालेबाट रत्ननगरका मेयर उम्मेदवार विमला दुवाडी, उपमेयरका उम्मेदवार यादव पाठक, वडा न १३ का वडाध्यक्ष पदका उमेदवार सुवास घिमिरे, सदस्यका उम्मेदवारहरु अशोक दराई, अजित चौरेल, बेलकुमारी श्रेष्ठ, रेश्मा मिजार सहितका कार्यकर्ताहरु स्थानीयका बस्ती तथा घरमा पुगेर मतदाताहरुसँग भोट मागेका छन् ।

    लोकप्रिय

    भर्खरै