काठमाडौँ । नेपाली कांग्रेसका वरिष्ठ नेता रामचन्द्र पौडेल अनसनरत ‘इनफ इज इनफ’ अभियानका अभियन्ताहरुलाई भेटेका छन् । आइतबार बसन्तपुरमा पुगेर पौडेलसहित कांग्रेस नेताहरुले दुई सातादेखि अनशन बसिरहेका ‘इनफ इज इनफ’ अभियानका अभियन्ताहरुको मागहरुमा समर्थन जनाउनुका साथै स्वास्थ्यलाभको कामना गरेका हुन् । नेता पौडेलले सामान्य तर जनताका अति आवश्यक मागहरु राखेर अनसनमा बसेका युवाहरुका कुरा नसुन्नु सरकारको अटेरीपन भएको बताएका छन् । ‘सामान्य तर जनताका अति आवश्यक मागहरु राखेर अनसनमा बसेका युवाहरुका कुरा नसुन्नु सरकारको अटेरीपन हो । यी मागहरुको सरकारले बेवास्ता गर्नु सरकारको चरम लापरबाही हो ।’ उनले भने । क्वारेन्टिन व्यवस्थापन गर्नुपर्ने, पीसीआर परीक्षणको दायरा बढाउनुपर्ने लगायतका माग राख्दै १६ दिनदेखि ‘इनफ इज इनफ’का अभियन्ता अनशन बसिरहेका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.