काठमाडौँ । अर्थ, सञ्चार तथा सूचना प्रविधिमन्त्री डा. युवराज खतिवडाले पदबाट राजीनामा दिएका छन् । शुक्रबार मन्त्री खतिवडाले प्रधानमन्त्री केपी शर्मा ओलीलाई राजिनामा बुझाएका हुन् । यसअघि प्रधानमन्त्री निवास बालुवाटारमा बसेको मन्त्रिपरिषद् बैठकमा उनले आज नै राजीनामा दिने जानकारी गराएका थिए । बिहीबार बसेको नेकपाको सचिवालय बैठकले राष्ट्रियसभा सदस्यमा रिक्त एक सिटमा उपाध्यक्ष बामदेव गौतमलाई सिफारिस गर्ने निर्णय भएपछि खतिवडाको संसद सदस्य हुने बाटो तत्कालका लागि बन्द भएको हो । प्रधानमन्त्री ओलीले हालसम्मको सहयोगका लागि खतिवडालाई धन्यवाद दिएका छन् । यसअघि मन्त्री खतिवडा अर्थ मन्त्रालयमा आयोजित बिदाई कार्यक्रममा सहभागी भएका थिए । उनी आजैदेखि आफ्नो निजी निवास गएका छन्। उनको मन्त्री पदसमेत शनिबारबाट स्वतः सकिदै छ ।

भोटेकोसी बाढीपछि प्रधानमन्त्री राहत कोषमा १७ अर्ब ७५ करोडभन्दा बढी मौज्दात

विद्युत् महसुलको पाँच प्रतिशत भ्याट हटाउन उज्यालो नेपालको हस्ताक्षर अभियान

नागरिकलाई राज्यप्रति जिम्मेवार बनाउन मुलुकको शिक्षा प्रणालीमा व्यापक सुधार आवश्यकः एमाले वरिष्ठ नेता भण्डारी