चितवन । भर्खरै मात्र मुस्ताङ्ग जिल्ला प्रहरी कार्यालयबाट कार्यभार सम्हालेर चितवन ट्राफिक प्रहरी कार्यालय सरुवा भएर आउनु भएका प्रमुख राजकुमार तामाङ्गले चितवनको सवारी व्यवस्थापनमा १० प्रतिशत सुधार भएको बताउनु भएको छ । सडक निर्माण र विस्तारले अस्तव्यस्त भएको भरतपुर र नारायणगढको सवारी व्यवस्थापान सुधार आएको उहांँले दाबी गर्नुभएको हो ।
‘म आएको दुईहप्ता बढी भयो होला । यसअघि व्यस्त बजारका सडक अस्तव्यस्त भयो, उहांँले भन्नुभयो , अहिले १० प्रतिशत सुधार आएको छ ।’ लामो तथा छोटो दुरीका लागि रुट व्यवस्थापन गर्न सफल भएकोले पनि सवारी चाप घटेको उहांँको भनाई छ । सवारी व्यवस्थापनमा चालकले लेन अनुशासन कायम गर्ने, पिकअप एण्ड ड्रप प्रणालीलाई कडा रुपमा पालना गर्ने र ट्राफिक प्रहरीहरु थप सक्रिय हुंँदा सवारी व्यवस्थापन सहज हुने उहांँले बताउनु भयो ।
सडक निर्माणका कारण ट्राफिक व्यवस्थापनमा चुनौति थपिए पनि ट्राफिक प्रहरीको कार्यकुशलताका कारण सवारी आगमन सहज भएको उहांँको भनाई छ । सवारी चाप र जाम सहज गर्न ट्राफिक प्रहरी एक्लैले मात्र सम्भव नहुने उहांँले बताउनु भयो । ‘ट्राफिक व्यस्थापन गर्न चालक जिम्मेवार, ट्राफिक सक्रिय र सडकको अवस्था ठीक हुनु पर्छ ।’ प्रमुख तामाङ्गले भन्नुभयो । देशकै केन्द्रबिन्दुमा रहेको चितवनको राजमार्ग र शाखा सडकमा ट्राफिक व्यवस्थापन गर्न बैज्ञानिक र व्यवहारिक रुपले कार्य योजना बनाईएकोले पनि थप समस्या नआएको उहांँको भनाई छ ।
आगामी दिनमा सवारी व्यवस्थापन चुस्त दुरुस्त पार्न र दुर्घटना न्यूनिकरण गर्न सरोकारवालासंँग समन्वय गर्दै अघि बढ्ने उहांँले बताउनु भयो । ‘ट्राफिक सचेतनालाई तीब्र पार्ने , सवारी व्यवस्थापन चुस्त दुरुस्त पार्ने र दुर्घटना न्यूनिकरणनै ट्राफिकको मुख्य उद्धेश्य हो उहांँले भन्नुभयो, आएको केही हप्तामै सुधारका संकेत देखिएका छन । चितवनमा नमुना ट्राफिक व्यवस्थापन गरेर काम गर्ने मेरो लक्ष्य छ ।’
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.