चितवन । भरतपुर महानगरका नगर उप प्रमुख चित्रसेन अधिकारीले देबघाटधामलाई धार्मिक पर्यटकीय नगरीको रुपमा बिकास गर्नु पर्नेमा जोड दिनु भएको छ । राष्ट्रिय तथा अन्तर्राष्ट्रिय क्षेत्रमा देबघाट धामको छुट्टै महत्त्व र पहिचान रहेको उल्लेख गर्दै उप प्रमुख अधिकारीले देबघाट धामलाइ धार्मिक पर्यटकीय नगरीको रुपमा बिकास गर्नु पर्नेमा जोड दिनु भएको हो ।

देबघाट सुस्वास्थ्य केन्द्रको बुधबार भवन उद्वघाटन गर्दै उप प्रमुख अधिकारीले देबघाट क्षेत्रलाई धार्मिक पर्यटकीय नगरीको रुपमा बिकास गर्न भरतपुर महानगरले तिब्र रुपमा काम गरिरहेको पनि बताउनु भयो । देबघाट अब धार्मिक पर्यटकीय नगरीको रुपमा बिकास हुन्छ उहाँले भन्नू भयो,यो सकल्प सहित महानगरपालिका देबघाटको बिकासमा अगाडि बढेको छ।

एशोसियसन अफ नेपाली फिजिसियन्स इन अमेरिका र गुणनिधी खनाल मेमोरियल ट्रष्टको सहकार्यमा उक्त भवन निर्माण गरिएको हो । देबघाटमा उक्त सुस्वास्थ्य केन्द्र स्थापना भए पछि सयौं वृद्ध बृद्वाहरुले उपचार पाउने केन्द्रले जनाएको छ । केन्द्रमा सबै प्रकारका रोगको उपचार गरिनुको साथै औषधिको पनि ब्यबस्था मिलाइएको छ ।

कार्यक्रममा देबघाट क्षेत्र बिकास समितिका अध्यक्ष सदन बराल,भरतपुर अस्पतालका चिकित्सक, कलेज अफ मेडिकल साइन्सेस शिक्षण अस्पतालका चिकित्सक,चितवन मेडिकल कलेजका चिकित्सकहरुको उपस्थित रहेकोे थियोे ।

चितवनमा बाघको आक्रमणबाट ४६ वर्षीय भीम महतोको मृत्यु, बाघ नियन्त्रणमा

तिहारमा आम्दानी गर्ने सपना वर्षाले चुँडायो, चितवनमा ७० प्रतिशतसम्म सयपत्री फूल नष्ट

चितवनमा प्रतिबन्धित माउर माछापालन नष्ट गर्न प्रशासनको निर्देशन