चालु आब १० महिनाको अवधिमा पर्यापर्यटनबाट निकुञ्जले १९ करोड ३९ लाख बढी राजश्व संकलन गरेको छ । कार्यालयका अनुसार साउन देखि बैशाख महिनाको अवधिमा १९ करोड ३९ लाख ३२ हजार २५० रुपैंया राजश्व संकलन गरेको छ । कार्यालयले पर्यटकको निकुञ्ज प्रवेश शुल्क र जीपसफारी लगायतको शुल्कबाट आम्दानी गर्ने गरेको हो । सो अवधिमा सबैभन्दा बढी बैशाखमा बैशाख महिनामा २ करोड ५२ लाख ७९ हजार सातसय रुपैंया र सबभन्दा कम साउनमा ४८ लाख ७ हजार तीनसय रुपैंया राजश्व संकलन गरेको छ ।

यसैगरी निकुञ्जले भदौ महिनामा ५१ लाख ३ हजार तीनसय ,असोज महिनामा १ करोड ३६ लाख ४८ हजार पांँचसय ,कार्तिक महिनामा मंसिरमा १ करोड ४२ लाख ७३ हजार २५० र पुष महिनामा १ करोड ४५ लाख ५८ हजार दुईसय संकलन गरेको छ । यस्तै निकुञ्जले माघ महिनामा ९१ लाख २ हजार २५० रुपैंया, फागुनमा १ करोड ६१ लाख ४५ हजार २५० , चैत्र महिनामा २ करोड ४१ लाख १८ हजार ५५० रुपंैंया र संकलन गरेको जानकारी दिएको छ । निकुञ्जले सो अवधिमा जीपसफारीबाट मात्रै ४ करोड १८ लाख ९ हजार पांँचसय रुपैंया संकलन गरेको छ ।

कार्यालयका सूचना अधिकारी गणेश प्रसाद तिवारीले पर्यापर्यटनबाट मात्रै निकुञ्जले उक्त राजश्व संकलन गरेको जानकारी दिए । ‘यो पर्यापर्यटनबाट मात्रै आम्दानी भएको राजश्व हो । निकुञ्जले अन्य स्रोतबाट पनि आम्दानी गर्छ, उनले भने, बिशेषगरी बर्षायाममा कम पर्यटक र जीप सवारी पनि बन्द हुन्छ र राजश्व पनि कम उठ्छ, सिजनमा पर्यटक पनि बढ्छन र राजश्व पनि बढ्छ ।’ निकुञ्जले अन्य शिर्षकबाट पनि आम्दानी गर्दै आएको छ ।

जस अनुसार १० महिनाको अवधिमा निकुञ्जले काठ ,दाउरा बिक्री बापत ७ लाख १८ हजार ४०२ रुपैंया, गैह्र काष्ठ वन पैदावर बिक्रीबाट ४ करोड ७९ लाख ७१ हजार २६९ रुपैंया, दण्ड जरीवाना वापत ८ लाख २२ हजार ३९ रुपैंया अन्य शिर्षकबाट १५ लाख २९ हजार रुपैंया राजश्व संकलन भएको छ । यी सबै शिर्षक गरी निकुञ्जले चालु आबको १० महिनामा जम्मा २४ करोड ४९ लाख ४६ हजार ८६० रुपैंया राजश्व संकलन गरेको तिवारीले जानकारी दिए ।