चितवन।  बागमती प्रदेशका स्वास्थ्य मन्त्री उत्तम जोशीले स्वास्थ्यको क्षेत्रमा लगानी गर्न एनआरएनएका नेतृत्वलाई आग्रह गर्नुभएको छ । प्रवासी नेपालीहरुले देशको विभिन्न क्षेत्रमा सहयोग गरेको भन्दै प्रसंसा गर्दै जोशीले स्वास्थ्यको क्षेत्रमा सहयोग जुटाउनको क्षेत्रमा आब्हान गरेका छन् । नेपालमा सहयोग भित्राउदा स्वास्थ्य सेवालाई लक्षित गगर्न आग्रह गरेका हुन् ।

चितवन सेवा समाजको अन्र्तराष्ट्रिय समन्वय समितिको ५ औं विश्व सम्मेलन एवं दशौं साधारण सभाको उदघाटन गर्दै मन्त्री जोशीले स्वास्थ्यको क्षेत्रमा लगानी गर्न आग्रह गर्दै सहकार्यको प्रस्ताव गरेका हुन् ।भरतपुरमा शनिवार भएको कार्यक्रममा मन्त्री जोशीले चितवनबाट रोजगार र ब्यवसायको लागी विभिन्न देशमा गएका नेपालीहरुलाई उनले प्रदेशमा लगाानी गर्न आग्रह गरेका हुन् ।

भूकम्प , कोरोना महामारीले देशमा आर्थिक संकट देखा परेको कारण विकासले सोचे अनुसार फड्को नमारेको भन्दै गरिब र पिछडीको वस्तिमा स्वास्थ्य परियोजना ल्याउन अनुरोध गरेका छन् । पिछडीएको वस्तिमा अझै पनि स्वास्थ्य सेवाको पहुँच नभएको बताउँदै त्यस्तो ठाँउमा लक्षित गरेर लगानी ल्याउन आग्रह गरेका हुन् । बागमती प्रदेश सरकारले नागरिकको स्वास्थ्यको पक्षमा जनउत्तरदायी काम गरेको बताए । मुलुकको आर्थिक अवस्थाका कारण सिमित स्रोत रहेको उनले बातए ।

नेपालमा कार्यक्रम ल्याउदा स्वास्थ्यलाई लक्षित गर्न आग्रह गरे । सबैको सहयोगबाट मात्रै मुलुक विकास संभव रहेको बताए । चितवनबाट विभिन्न देशमा गएका नेपालीहरुले चितवन सेवा समाज अन्तर्राष्ट्रिय समन्वय समिति बनाएका हुन् । अध्यक्ष समिर खत्रीले सामाजिक कार्यहरु बढाउँदै जाने, विदेशमा छरिएर रहेका नेपालीहरुलाई सँस्थामा थप गोलबन्द गर्दै जाने, उनीहरुका ज्ञान र सीपलाई नेपालको विकासमा प्रयोग गर्ने लक्ष्य रहेको बताए ।

विश्वभरी रहेका चितवनेहरुलाई एकजुट बनाउन सँस्था लागेको र अबको २ वर्ष भित्रमा सस्थांले आफ्नै भवन पनि निर्माण गर्ने उदेश्य लिएको अध्यक्ष खत्रीले बताए ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो