दमौली । तनहुँको आँबुखैरेनी गाउँपालिका वडा नम्बर १ गिराउनचौरको भित्री सडक खण्डमा सोमबार जन्ती बोकेको जीप दुर्घटना हुँदा दुई जनाको मृत्यु भएको छ । मृत्युु हुनेमा आबुँखैरेनी गाउँपालिका-६ छापस्वाराका ७२ बर्षिय आशविर गुरुङ व्यास नपा ९ गजौंडेकी १७ बर्षिय तुलसी गुरुङ रहेको जिल्ला प्रहरी कार्यालय तनहुुँले जनाएको छ ।

मिर्लुङबाट छापस्वारा जन्ती लिएर जादै गरेको बा १८ च ५९२१ नम्बरको बोलेरो जीप बरादी–हिलेखर्कस्थित भित्री सकखण्डमा दुर्घटना भएको थियो । जिप अनियन्त्रित भई सडकबाट अन्दाजी पाँच सय मिटर तल जीप खसेको थियो ।

दुर्घटनामा १६ जना घाइते भएका छन् । घाइते मध्ये ६ जनाको आबुँखैरेनी अस्पतालमा र अन्यको पुरानो मेडिकल कलेज भरतपुरमा उपचार भईरहेको जिल्ला प्रहरी कार्यालय तनहुँका सूचना अधिकारी एवं प्रहरी नायब उपरीक्षक मोहनबहादुर खाँणले जानकारी दिए ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने