रत्ननगर । पिठुवा खानेपानी उपभोक्ता तथा सरसफाइ संस्थाको छैठौं बार्षिक साधारण सभा तथा तेस्रो अधिवेशन अन्तर्गत आइतबार भएको निर्वाचनमा निर्वाचित कार्यसमितिलाइ पद हस्तान्तरण समारोह आज मंगलबार सम्पन्न भएको छ । निर्वाचन समितिका संयोजक दीपकप्रकाश सिवाकोटीको सभापत्वि र रत्ननगर नगरपालिकाका मेयर प्रलाद सापकोटाको प्रमुख आतिथ्यतामा सम्पन्न कार्यक्रममा नवनिर्वाचित कार्यसमितिलाई निवर्तमान कार्यसमितिले पद हस्तान्तरण गरेको थियो ।

सोही अवसरमा नवनिर्वाचित लेखा समितिलाई समेत पुरानो लेखा समितिले पद हस्तान्तरण गरेको थियो । कार्यक्रममा बोल्दै मेयर सापकोटाले सबै नगवासीको पहुँचमा शुद्ध खानेपानी पुर्याउनु स्थानिय सरकारको पहिलो प्राथमिकतामा रहेको बताउनु भएको छ । उहाँले अरु क्षेत्रका बजेट कटौती गरेर भए पनि स्वास्थ्य ,शिक्षा र खानेपानी आयोजनाका लागि बजेट ब्यवस्थापन गर्ने वताए । त्यस्तै मेयर सापकोटाले पिठुवा खानेपानी संस्थामा धारा जोड्नेक्रम तिब्र रुपमा बढीरहेकाले माग अनुसारको पानी बितरण गर्न थप बोरिङ जडानका लागि आग्रह गर्नै स्थानिय सरकारका तर्फबाट आवश्यक सहयोग गर्ने सापकोटाले प्रतिबद्धता व्यक्त गर्नु भएको छ ।

राजनैतिक दलका तर्फबाट बोल्दै नेकपा एमाले रत्ननगर नगर कमिटीे अध्यक्ष इश्वरीप्रसाद अर्यालले पिठुवाको जनसंख्या दैनिक बढ्दै गएको र खानेपानीको स्रोत समेत साँगुरो हुँदै गएकाले त्यसको ब्यवस्थापनमा लाग्न नया कार्यसमितिलाई आग्रह गर्नु भएको थियो । त्यस्तै निर्वतमान अध्यक्ष आशिक तमाङले संस्थाले आफ्नो कार्यकाल भित्र गरेका काम र वाँकी तत्काल गर्नु पर्ने कार्य प्रति नवनिर्वाचित पदाधिकारीलाई ध्यानकर्षण गराउनु भएको थियो ।

संस्थालाई प्रविधि मैत्री वताउनु पर्ने र तत्काल संस्थाले साधनको व्यवस्थापन गरेर खानेपानी संस्थाको सेवा प्रवाह छिटो छरितो बनाउन तर्फ समेत उनले नवनिर्वाचित पदाधिकारीलाई आग्रह गरेका छन । त्यस्तै निर्वतमान अध्यक्ष तमाङले नवनिर्वाचित अध्यक्ष हरि कुमार श्रेष्ठलाई अध्यक्षीय पद हस्तान्तरण गर्नु भएको थियो । त्यस्तै अन्य पदाधिकारी र सदस्यहरुले समेत आ आफ्नो पद नवनिर्वाचित कार्यसमितिका पदाधिकारी तथा सदस्यहरुलाई हस्तान्तरण गर्नु भएको थियो ।

नवनिर्वाचित अध्यक्ष हरि कुमार श्रेष्ठलाले आफ्नो कार्याकालमा कार्यक्षेत्र भित्र प्रत्यक घरघरमा स्वच्छ खानेपानी पुर्याउने पहिलो प्रथामिक्ता रहेको वताए । पुराना योजनाको निरन्तरता दिदै थप नया योजनाको सहित नेपालकै नमुना खानेपानी संस्थाको रुपमा विकास गर्ने अध्यक्ष श्रेष्ठले वताए ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो