कालिका । कालिका नगरपालिकामा दादुरा–रुबेला विरुद्धको खोप अभियान आजदेखि सुरु भएको छ । कालिका वडा नं. ७ स्थित पृथ्वी माध्यमिक विद्यालयको परिसरमा एक कार्यक्रमकाबीच नगरप्रमुख विनोद रेग्मीले उद्घाटन गरेर अभियान सुरु गरिएको हो ।
अभियानमा नौं महिनादेखि १५ बर्ष मुनिका १६ हजार १ सय ७५ जना बालबालिकालाई दादुरा(रुवेला विरुद्धको खोप लगाइने नगर खोप समन्वय समिति संयोजक समेत रहनुभएका नगरप्रमुख रेग्मीले जानकारी दिनुभयो । कालिकाका बालबालिकालाई खोप लगाउन ५७ वटा खोप केन्द्र, १ सय २४ जना स्वास्थ्यकर्मी र १ सय ८९ जना स्वयंसेवक परिचालन गरिने स्वास्थ्य शाखा प्रमुख दीपक भण्डारीले जानकारी दिनुभयो ।
कार्यक्रममा जनस्वास्थ्य कार्यालय चितवनका प्रमुख दिनेश रुपाखेती, नगर उपप्रमुख विमला तामाङ, प्रमुख प्रशासकीय अधिकृत चूडामणि शर्मा गौतम, वडाध्यक्षहरु टिकाराम रेग्मी, दीपक भट्टराई, कमलराज मोक्तान, निलकण्ठ मगर, विद्यालय व्यवस्थापन समिति अध्यक्ष अमृत लामिछाने लगायतको उपस्थिति रहेको थियो।
स्वास्थ्य शाखा प्रमुख दीपक भट्टराईले सञ्चालन गरेको कार्यक्रम सामाजिक विकास समिति संयोजक तथा वडा नं ४ का वडाध्यक्ष मकरमान श्रेष्ठको अध्यक्षतामा आयोजना गरिएको हो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.