चितवन । माडी नगरपालिका–८ कान्तिपुरस्थित एक घरमा बिहीवार साँझ ६ बजे आगलागी भएको छ । खरको छाएको घरमा आगोको झिल्का सल्किएर आगलागी हुँदा करिब दुई लाख रुपैयाँ बराबरको भौतिक क्षति भएको प्रहरीले जानकारी दिएको छ ।
स्थानीय कुलबहादुर हरिजनले आफ्नो खाली जग्गामा आगो लगाउने क्रममा आगोको झिल्का उडेर २० मीटर पूर्व रहेका स्थानीय ६५ वर्षीय गोकर्ण गायकको काठ र खरको छाएको घरमा आगलागी भएको बागमती प्रदेश प्रहरी कार्यालय हेटौंडाले बताएको छ ।
स्थानीय र दमकलको सहयोगमा आगलागी भएको डेढ घण्टापछि आगो नियन्त्रणमा आएको प्रहरीले जनाएको छ । आगलागीबाट घरभित्र रहेको खाट, टेबल, किचन र्याकसहित घर पूर्ण रुपमा जलेर नष्ट भएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.