काठमाडौं ।  त्रिशुली नदीमा मोटरसाइकल खसेको छ।आइतबार साँझ साढे ५ बजे धादिङ बेनिघाट रोराङ गाउँपालिका-७स्थित त्रिशुली नदीमा दुई जना सवार मोटरसाइकल खसेको हो। अहिले उद्धारका लागि सशस्त्र प्रहरी बल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक अस्मितकुमार चौहान कमाण्डमा गोताखोरसहितको टोली खटिएको सहप्रवक्ता एवं डिएसपी शैलेन्द्र थापाले जानकारी दिए।

टोलीले करिब १ सय ५० मिटर तल भिरबाट रोप रेस्क्यु र स्टेचरको प्रयोग गरेर मोटरसाइकल र घाइतेलाई माथि ल्याउने कार्य गरिरहेका छन्।खोजतलासको क्रममा बा. प्र. ०२-०२४ प ४०५४ नम्बरको मोटरसाइकल फेला परेको छ।

मोटरसाइकलमा सवार एक जनाको उद्धार भएको हो। अर्का व्यक्ति बेपत्ता भएको आशंकामा गोताखोरले खोजिरहेको छ। घाइते व्यक्तिसँग मीनबहादुर तामाङ लेखिएको नगदी रसिद पनि फेला परेको डिएसपी थापाले जानकारी दिए। ती घाइतेलाई गजुरी अस्पताल लगिएको छ।

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन