चितवन । २०८२ सालको बैशाख ३१ गते चितवनको कालिका नगरपालिकाभित्र आएको भीषण हावाहुरीले विभिन्न स्थानमा जनधनको क्षति पुर्याएको थियो। सोही क्रममा गोर्खाली समूहका सक्रिय सदस्य श्री रामबहादुर भण्डारीज्यूको घरको छाना पूर्ण रूपमा उडेको थियो, जसका कारण उहाँको परिवार खुला आकाशमुनि बस्न बाध्य भएको थियो।
संकटको यस घडीमा गोर्खाली समूहले “संकटमा साथ – गोर्खाली परिवारको राहत कार्यक्रम” सञ्चालन गर्दै, मिति २०८२ जेठ ५ गते, भण्डारीज्यूलाई घर पुनर्निर्माणका लागि आवश्यक जस्तापाता र निर्माण सामग्रीहरू हस्तान्तरण गरिएको हो।
उक्त कार्यक्रम समाजसेवी तथा समूहका सम्माननीय सदस्य श्री रमेशजंग थापाज्यूको विशेष सहयोगमा सम्पन्न भएको हो।
रमेशजंग थापाले भन्नुभयो:
“बैशाख ३१ गतेको हावाहुरीले धेरै परिवारलाई पीडित बनायो। यस्तो बेलामा कुनैपनि नागरिकको कर्तव्य सहयोग गर्नु हो। गोर्खाली समूहको यस कार्यमा सानो सहयोग गर्न पाएकोमा गर्व लागेको छ।”
कार्यक्रमको अध्यक्षता गर्दै गोर्खाली समूहका अध्यक्ष श्री रेशमराज वाग्लेले सहयोगकर्ताहरू तथा सदस्यहरूलाई धन्यवाद दिंदै भने:
“संकटका बेला एकआपसमा साथ दिन सक्नु नै गोर्खाली भावना हो। हामीले शब्दलाई कर्ममा परिणत गरेका छौं। आजको कार्यक्रममार्फत एउटा परिवारलाई आश्रय दिन सक्नु हाम्रो समूहको प्रतिबद्धताको उदाहरण हो।”
कार्यक्रममा समूहका सम्पूर्ण कार्यसमिति सदस्य, लेखा सदस्य, अन्य सदस्यहरू तथा स्थानीयवासीहरूको उपस्थिति थियो।
कार्यक्रम “संकटमा साथ – गोर्खाली परिवारको राहत ” भन्ने नारासहित समापन गरिएको थियो।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.