गैंडाकोट । नवलपुर र चितवन जोड्ने नारायणी नदीको पुलबाट हाम फालेर बेपत्ता भएकी गैँडाकोटकी ४८ बर्षिया सावित्री गिरीको अवस्था हालसम्म अज्ञात रहेको छ । गत जेठ १ गते बेलुकी ७ः१५ बजे नारायणी पुलबाट हाम फालेर बेपत्ता भएकी सावित्रीको अवस्था हालसम्म पत्ता लाग्न नसकेको हो ।
श्रीमान दधिराम गिरीका अनुसार उनी साँझ घरबाट निस्किएर नारायणी पुल पुगेकी थिइन् । सोही समयतिर पुलबाट हाम फालेको देखिएको जानकारी आएको भएपनि हालसम्म उनी फेला परेकी छैनन् । बेपत्ता भएकी गिरीको खोजी कार्य बागमती प्रदेश विपद् व्यवस्थापन अन्तर्गतको नेपाल प्रहरीको विशेष टोली तथा परिवारका सदस्यहरूले नारायणी नदीदेखि त्रिवेणीसम्मको क्षेत्रमा व्यापक रूपमा गरिरहे पनि कुनै पत्तो लाग्न सकेको छैन ।
गिरीका एक छोरी र दुई छोराहरू रहेका छन् । आमाको बेपत्ताले परिवार गहिरो तनावमा रहेका छन्। कसैलाई सावित्री गिरीसम्बन्धी कुनै जानकारी प्राप्त भएमा नजिकको प्रहरी कार्यालय वा गिरी परिवारलाई तत्काल जानकारी गराईदिन हार्दिक अनुरोध गरिएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.